17-year-old Indian cricketer Ends her life : विदर्भ क्रिकेट असोसिएशनच्या (VCA) संघात निवड न झाल्याच्या नैराश्यातून अकोल्याच्या एका 17 वर्षीय महिला क्रिकेटपटूने नागपुरात गळफास घेऊन आत्महत्या केल्याची अत्यंत धक्कादायक आणि दुर्दैवी घटना समोर आली आहे. अदिती मोरेश्वर चौखंडे असे या मृत महिला क्रिकेटपटूचे नाव आहे. आत्महत्येपूर्वी तिने तिच्या भावाच्या नावाने एक भावूक सुसाईड नोट लिहून ठेवली आहे, ज्यामुळे क्रीडा विश्वात आणि परिसरात मोठा हळहळ व्यक्त केली जात आहे.
नेमकी घटना काय? (17-year-old Indian cricketer Ends her life)
अदिती मूळची अकोल्याची राहणारी होती. क्रिकेटपटू बनण्याचे स्वप्न उराशी बाळगून ती गेल्या दोन वर्षांपासून आपल्या आईसोबत नागपुरातील लक्ष्मी नगर भागातील जैन मंदिराजवळील एका अपार्टमेंटमध्ये राहत होती. येथे ती सर्वे क्रिकेट अकादमीमध्ये कठोर परिश्रम करून क्रिकेटचे प्रशिक्षण घेत होती. तिचा भाऊदेखील क्रिकेटपटू आहे.
बुधवारी सकाळी 5:30 वाजताच्या सुमारास ही घटना घडली. अदितीच्या आईला सकाळी ती स्वयंपाकघरात गळफास घेतलेल्या अवस्थेत आढळली. आईने तात्काळ मदतीसाठी आरडाओरड केली आणि शेजाऱ्यांच्या मदतीने अदितीला रुग्णालयात दाखल केले. मात्र, डॉक्टरांनी तपासणीअंती तिला मृत घोषित केले.
'माझी निवड झाली नाही, तू चांगली खेळ...' सुसाईड नोटमधील भावूक मेसेज (17-year-old Indian cricketer Ends her life)
घटनास्थळी पोहोचलेल्या बजाजनगर पोलिसांना अदितीने तिच्या भावासाठी लिहिलेली एक सुसाईड नोट सापडली आहे. सुसाईड नोटमध्ये अदितीने लिहिले होते की, "माझी निवड होऊ शकली नाही, पण तुझी निवड झाली आहे. तू खूप छान खेळ आणि मी आयुष्यभर तुझ्यासोबतच राहीन." पोलिसांनी दिलेल्या माहितीनुसार, अदितीचा भाऊ दोन-तीन दिवसांसाठी बाहेर गेला होता. भावाची व्हीसीए (VCA) संघात निवड झाली होती, परंतु अदितीची निवड होऊ शकली नाही. यामुळे ती तीव्र मानसिक तणावाखाली होती.
पोलीस तपास सुरू (17-year-old Indian cricketer Ends her life)
बजाजनगर पोलीस स्टेशनचे पोलीस निरीक्षक चेतन चौहान यांनी दिलेल्या माहितीनुसार, अकस्मात मृत्यूची नोंद करण्यात आली आहे. घटनेचा पंचनामा करून मृतदेह शवविच्छेदनासाठी पाठवण्यात आला आहे. पोलिसांकडून या प्रकरणी सर्व संभाव्य कोनांतून सखोल तपास सुरू आहे.
हे ही वाचा -