Asia Cup 2025 Pakistan Squad: बाबर आझम-मोहम्मद रिझवान बाहेर; सलमान आगाकडे धुरा, आशिया चषकासाठी पाकिस्तानचा संभाव्य संघ
Asia Cup 2025 Pakistan Squad: आशिया चषक 2025 ची स्पर्धा 9 ते 28 सप्टेंबर दरम्यान टी-20 स्वरूपात खेळवण्यात येणार आहे.
Asia Cup 2025 Pakistan Squad: आशिया चषक 2025 ची स्पर्धा (Asia Cup 2025 Pakistan Squad) 9 ते 28 सप्टेंबर दरम्यान टी-20 स्वरूपात खेळवण्यात येणार आहे. आशिया चषकाची स्पर्धा सुरु होण्याआधी पाकिस्तान क्रिकेट संघाबाबत एक महत्वाची माहिती समोर आली आहे. क्रिकेट आशिया कपसाठी पाकिस्तानच्या संघात बाबर आझम आणि मोहम्मद रिझवानचे पुनरागमन खूप कठीण असल्याचे सांगण्यात येत आहे. सलमान आगाच्या नेतृत्वाखाली वेगवान गोलंदाज शाहीन शाह आफ्रिदीला संधी मिळण्याची शक्यता आहे. त्यामुळे आशिया चषकासाठी पाकिस्तानचा संभाव्य संघ कसा असेल?, जाणून घ्या...
गेल्या आशिया कपमध्ये पाकिस्तानचे कर्णधारपद बाबर आझमकडे होते. मात्र गेल्या काही महिन्यांपासून बाबर आझम चांगल्या फॉर्मात नाहीय. यावर्षी बाबरने कोणताही टी-20 आंतरराष्ट्रीय सामना खेळलेला नाही. अशा परिस्थितीत बाबर आझमला आशिय कपसाठी पाकिस्तानच्या संघात संधी मिळणं खूप कठीण आहे. बाबर आझम टी-20 मध्ये गेल्या 11 डावांमध्ये एकही अर्धशतक करू शकला नाही.
बाबर आझमची टी-20 क्रिकेटमधील कारकीर्द-
सामने: 128
डाव: 121
धावा: 4223
सर्वोच्च धावसंख्या: 122
स्ट्राइक रेट: 129.22
शतके: 3
अर्धशतके: 36
बाबर आझमप्रमाणेच पाकिस्तानचा माजी टी-20 कर्णधार मोहम्मद रिझवाननेही यावर्षी एकही टी-20 सामना खेळलेला नाही. मोहम्मद रिझवानलाही टी-20 च्या संघात स्थान देण्यात आलेले नाहीय. त्यामुळे आशिया चषकच्या संघातही मोहम्मद रिझवानला संधी मिळणार नाही. दरम्यान, आशिया कपमध्ये पाकिस्तान क्रिकेट संघाचा समावेश ग्रुप ए मध्ये आहे. या ग्रुप ए मध्ये टीम इंडिया, ओमान आणि यूएई आहे. सर्व संघ ग्रुपमधील इतर संघांसोबत 1-1 सामने खेळतील. या ग्रुपमधील टॉप 2 संघ सुपर 4 मध्ये जातील.
मोहम्मद रिझवानची टी-20 क्रिकेटमधील कारकीर्द-
सामने: 106
डाव: 93
धावा: 3414
सर्वोच्च धावसंख्या: 104*
स्ट्राइक रेट: 125.37
शतके: 1
अर्धशतके: 30
शाहीन अफ्रिदीला स्थान, फखर जमानबाबत सस्पेन्स-
पाकिस्तानचा अनुभवी वेगवान गोलंदाज शाहीन शाह आफ्रिदीला आशिया कप संघात स्थान मिळू शकते. तर वेस्ट इंडिजविरुद्धच्या दुसऱ्या टी-20 मध्ये फखर जमानला दुखापत झाली होती, त्याच्या खेळण्यावर सस्पेन्स कायम आहे.
आशिया कप 2025 साठी पाकिस्तानचा संभाव्य संघ- (Asia Cup 2025 Pakistan Squad)
सलमान आगा (कर्णधार), फखर जमान, सैम अयुब, मोहम्मद हारिस (यष्टीरक्षक), हसन नवाज, साहिबजादा फरहान, फहीम अश्रफ, हुसैन तलत, खुशदिल शाह, मोहम्मद नवाज, अबरार अहमद, हारिस रौफ, हसन अली, शाहीन आफ्रिदी, सुफियान मुकीम.
आशिया कपमध्ये पाकिस्तानचे वेळापत्रक-
12 सप्टेंबर - वि ओमान (दुबई)
14 सप्टेंबर - भारत विरुद्ध (दुबई)
17 सप्टेंबर - वि UAE (दुबई)
आशिया कप 2025 साठी भारताचा संभाव्य संघ -
सूर्यकुमार यादव (कर्णधार), शुभमन गिल, अभिषेक शर्मा, संजू सॅमसन (यष्टीरक्षक), तिलक वर्मा, शिवम दुबे, अक्षर पटेल, वॉशिंग्टन सुंदर, वरुण चक्रवर्ती, कुलदीप यादव, जसप्रीत बुमराह, अर्शदीप सिंग, हर्षित राणा / प्रसिद्ध कृष्णा, हार्दिक पांड्या, जितेश शर्मा / ध्रुव जुरेल.
राज्यासह देश-विदेशातील महत्वाच्या बातम्या, VIDEO:
संबंधित बातमी:
महत्त्वाच्या बातम्या
