Abhishek Sharma : अभिषेक शर्मा तापाने फणफणला; मॅच सुरु असताना अचानक बिघडली तब्येत, पुढच्या मॅचमधून OUT, टीम इंडियात खळबळ
Abhishek Sharma T20 World Cup 2026 :टी-20 वर्ल्ड कप 2026 चा थरार सुरू झाला असून यंदा ही स्पर्धा भारतातच खेळवली जात आहे.
Abhishek Sharma T20 World Cup 2026 : टी-20 वर्ल्ड कप 2026 चा थरार सुरू झाला असून यंदा ही स्पर्धा भारतातच खेळवली जात आहे. गतविजेते म्हणून टीम इंडियाकडून मोठ्या अपेक्षा आहेत. मात्र स्पर्धेच्या सुरुवातीलाच भारतीय संघाला फिटनेसच्या अडचणींना सामोरे जावे लागत आहे. एकामागून एक खेळाडू दुखापत किंवा आजारपणामुळे त्रस्त होत असल्याने टीम मॅनेजमेंटची चिंता वाढली आहे. हर्षित राणा, वॉशिंग्टन सुंदर आणि जसप्रीत बुमराहनंतर आता युवा सलामीवीर अभिषेक शर्मा याचाही या यादीत समावेश झाला आहे. अमेरिका (USA) विरुद्ध झालेल्या पहिल्या सामन्यादरम्यान अभिषेकची अचानक तब्येत बिघडली.
शनिवार 7 फेब्रुवारी रोजी भारताने वर्ल्ड कपमधील पहिल्या सामन्यात अमेरिकेचा सामना केला. प्रथम फलंदाजी करत भारताने 9 विकेट्स गमावत 161 धावा केल्या. मात्र अमेरिकेच्या डावादरम्यान अचानक अभिषेक मैदानावरून बाहेर गेला. सुरुवातीला तो फील्डिंगसाठी मैदानावर दिसत होता, पण त्यानंतर तो पुन्हा मैदानात परतलाच नाही. तो डगआउटमध्येही इतर खेळाडूंमध्ये दिसला नाही, त्यामुळे सर्वांनाच आश्चर्य वाटले.
सामन्यादरम्यान अभिषेकला कोणतीही दुखापत झाल्याचं दिसून आलं नव्हतं. मात्र सामन्यानंतर याचं कारण स्पष्ट झालं. कर्णधार सूर्यकुमार यादवने सांगितलं की, अभिषेक आजारी पडला होता. त्याचवेळी त्याने हेही उघड केलं की जसप्रीत बुमराहलाही सामन्यापूर्वी तीव्र ताप आला होता.
यानंतर मोहम्मद सिराजने अभिषेकच्या तब्येतीबाबत अधिक माहिती दिली. सिराजच्या मते, अभिषेकला अचानक पोटदुखीचा त्रास सुरू झाला, त्यामुळे त्याला मैदान सोडावं लागलं. त्याची प्रकृती लक्षात घेता त्याला पुन्हा फील्डिंगसाठी उतरवण्यात आलं नाही. त्याच्या जागी सब्स्टिट्यूट फील्डर म्हणून संजू सॅमसन मैदानात उतरला.
पुढील सामन्यात पुनरागमन?
दरम्यान, सिराजने चाहत्यांसाठी दिलासादायक बातमीही दिली. त्याच्या मते, अभिषेक पुढील सामन्यासाठी पूर्णपणे फिट असेल आणि तो पुन्हा एकदा आपल्या फलंदाजीची झलक दाखवेल. अमेरिकेविरुद्धचा सामना अभिषेकसाठी अत्यंत निराशाजनक ठरला होता. तो अवघ्या एका चेंडूत शून्यावर बाद झाला. हा त्याचा भारतासाठी सीनियर आयसीसी स्पर्धेतील पहिलाच सामना होता. डेब्यू सामना अपेक्षेप्रमाणे न गेल्याची खंत अभिषेकलाही असेल. मात्र 12 फेब्रुवारी रोजी नामिबियाविरुद्ध होणाऱ्या सामन्यात तो ही कमतरता भरून काढण्याचा पूर्ण प्रयत्न करेल, अशी अपेक्षा आहे.
हे ही वाचा -
महत्त्वाच्या बातम्या
