कारण, आपण संघात पुनरागमन करु अशी त्याला आशा वाटते. ऑस्ट्रेलिया-भारत वनडे मालिकेदरम्यान हॉग समालोचनही करत होता. दरम्यान, त्याच्या डाव्या गुडघ्यावर शस्त्रक्रिया झाली नसती तर तो यावेळेस प्रथम श्रेणी क्रिकेटच्या तयारीत व्यस्त असता.
'मी वयाचा विचार करत नाही. मी आताही वेस्टर्न ऑस्ट्रेलियासाठी प्रथम श्रेणी क्रिकेट खेळण्याचा प्रयत्न करत आहे. मला वाटत नाही की, मी आंतरराष्ट्रीय क्रिकेटमधून कधी संन्यास घेईन. कारण की, देशासाठी खेळणं ही सन्मानाची बाब आहे.' असं हॉग म्हणाला.
टी-20 क्रिकेटमुळे अनेक खेळाडूंचं करिअर वाढलं आहे. भारताचा 38 वर्षीय जलदगती गोलंदाज आशिष नेहरा याचं उत्तम उदाहरण आहे. सात ऑक्टोबरपासून सुरु होणाऱ्या ऑस्ट्रेलियाविरुद्धच्या टी-20 मालिकेसाठी नेहराची निवड करण्यात आली आहे.
हॉगनं ऑस्ट्रेलियासाठी 2014 साली शेवटचा सामना खेळला होता. तेव्हा त्याचं वय 44 वर्ष होतं. पण त्याला आजही असं वाटतं की, तो अद्यापही चांगली गोलंदाजी करु शकतो. तो बिग बॅश लीगमध्ये नियमित खेळतो. तर मागील वर्षी आयपीएलमध्येही खेळला होता.