Ryan Williams बेंगळुरू: भारतीय फुटबॉल विश्वातूनएकमोठीबातमीसमोरआलीआहे. माजी ऑस्ट्रेलियन फुटबॉलपटू रायन विल्यम्सने (Ryan Williams) नुकतेच भारतीय नागरिकत्व मिळवले आहे. ज्यामुळे तो आता भारतीय राष्ट्रीय फुटबॉल संघाचे प्रतिनिधित्व करण्यास पात्र ठरला आहे. नुकतेचं बेंगळुरू एफसी संघातील सहकारी आणि भारतीय फुटबॉल आयकॉन सुनील छेत्री यांनी त्यांच्या भारतीय पासपोर्टचे मोठ्यादिमाखात समारंभपूर्वक हस्तांतरण केले. रायन विल्यम्सने ऑस्ट्रेलियन नागरिकत्व सोडून अधिकृतपणे भारतीय नागरिक झाल्यानंतर भारतीय फुटबॉलमध्ये एका नवीन युगाची सुरुवात झालीय. 32 वर्षीय या खेळाडूचे भारतीय नागरिकत्व स्वीकारणे हे ऑल इंडिया फुटबॉल फेडरेशन (AIFF) च्या राष्ट्रीय फुटबॉल संघात ओव्हरसीज सिटीझन्स ऑफ इंडिया (OCI) आणण्याच्या उपक्रमांतर्गत दुसरे प्रकरण आहे. दरम्यान, रायन विल्यम्सने आपलेआजोबाजे मुंबईतील एक प्रसिद्ध फुटबॉलपटू होतेत्यांची इच्छा पूर्ण करण्यासाठी हे भावनिक पाऊल उचलले असल्याचेबोललंजातआहे.
Ryan Williams : उराशी आजोबांचे स्वप्न पूर्ण करण्याचा ध्यास, आईची मुंबईशी नाळ
विल्यम्सने अलीकडेच त्याचे ऑस्ट्रेलियन नागरिकत्व सोडले आणि भारतीय पासपोर्ट मिळवला. हे त्याच्यासाठी एकप्रकारे घरवापसीच आहे, कारण त्याची आई भारतात जन्मली होती आणि त्याचे आजोबा लिंकन एरिक ग्रोस्टेट यांनी 1956 मध्ये संतोष ट्रॉफीमध्ये मुंबईचे प्रतिनिधित्व केले होते. पर्थमध्ये जन्मलेल्या विल्यम्सने 20 वर्षांखालील आणि 23 वर्षांखालील ऑस्ट्रेलियाचे प्रतिनिधित्व केले आहे आणि 2019 मध्ये वरिष्ठ संघातही स्थान मिळवले आहे. 2023 मध्ये बेंगळुरू एफसीमध्ये सामील होण्यापूर्वी तो फुलहॅम आणि पोर्ट्समाउथ या इंग्लिश क्लबकडूनही खेळला आहे.
Who is Ryan Williams : कोण आहे रायन विल्यम्स?
विल्यम्सचा जन्म होण्यापूर्वीपासूनच भारतीयांशी संबंध होता. त्याच्या आईचा जन्म मुंबईतील एका अँग्लो-इंडियन कुटुंबात झाला होता तर त्याच्या वडिलांचा जन्म इंग्लंडमधील केंट येथे झाला होता. त्याआधी, विल्यम्सचे आजोबा लिंकन "लिंकी" ग्रोस्टेट यांनी 1950च्या दशकात संतोष ट्रॉफीमध्ये बॉम्बे (आता मुंबई) चे प्रतिनिधित्व केले होते.
विल्यम्सच्या फुटबॉल कारकिर्दीने त्याला अनेक खंडांमध्ये नेले आहे. त्याने 2011 मध्ये इंग्लंडला जाण्यापूर्वी ईसीयू जोंडालुपमध्ये सुरुवात केली आणि नंतर पोर्ट्समाउथमध्ये सामील झाला. नंतर तो गिलिंगहॅम, ऑक्सफर्ड युनायटेड आणि बार्न्सली येथे फुलहॅमसाठी खेळला, अखेर 2015 मध्ये बार्न्सलीसोबत कायमचा करार केला. तो पुन्हा रोदरहॅम युनायटेड, पोर्ट्समाउथ येथे गेला आणि 2022 मध्ये पर्थ ग्लोरी येथे काही काळ काम करण्यापूर्वी ऑक्सफर्ड युनायटेडमध्ये गेला.
विल्यम्सचा भारतीय नागरिकत्व हस्तांतरण समारंभ दिग्गज सुनील छेत्री यांनी बेंगळुरू एफसीच्या प्रशिक्षण केंद्रात आयोजित केला होता. या विंगरला त्याच्या कुटुंबाकडून, बेंगळुरू एफसी व्यवस्थापनाकडून आणि कर्नाटक राज्य फुटबॉल असोसिएशनकडून जोरदार पाठिंबा मिळाला. अंतिम मंजुरी नवी दिल्लीतील मंत्रीस्तरीय पातळीवरून मिळाली.