Asia Cup 2022 : भारत-पाकिस्तान सामन्यापूर्वी बाबर-विराटची भेट, व्हिडीओ होतोय व्हायरल
IND vs PAK : भारत विरुद्ध पाकिस्तान हा हायवोल्टेज सामना 28 ऑगस्ट रोजी दुबईच्या आंतरराष्ट्रीय मैदानात रंगणार आहे. या सामन्यासाठी दोन्ही संघ दुबईत दाखल झाले आहेत.
IND vs PAK, Asia Cup 2022 : भारत आणि पाकिस्तान (India vs Pakistan) हे दोन्ही संघ आपआपल्या आशिया चषक स्पर्धेती सुरुवात एकमेकाविरुद्धत्या सामन्याने करणार आहेत. त्यामुळे आशिया कपमध्ये 28 ऑगस्ट रोजी अवघ्या क्रिकेट जगताला एक महामुकाबला पाहायला मिळणार आहे. दरम्यान या सामन्याला आता काही दिवसच शिल्लक असल्याने दोन्ही संघ दुबईत पोहोचले आहेत. पाकिस्तानचा संघ आधीच दुबईत पोहोचला असताना आता भारतीय संघही दुबईत दाखल झाला असून खेळाडूंच्या आगमनाचा व्हिडीओ बीसीसीआयने (BCCI) शेअर केला आहे.
यावेळी भारतीय खेळाडू पाकिस्तान, अफगाणिस्तान अशा संघातील खेळाडूंना भेटत आहेत. यात भारताचा स्टार क्रिकेटर विराट कोहली (Virat Kohli) आणि पाकिस्तानचा स्टार क्रिकेटर बाबर आझम (Babar Azam) हे दोघेही एकमेकांना हँड-शेक करताना दिसत आहेत. त्यामुळे व्हिडीओत अगदी काही क्षणांचा या पॅचमुळे व्हिडीओ व्हायरल होत आहे.
पाहा संपूर्ण व्हिडीओ-
Hello DUBAI 🇦🇪
— BCCI (@BCCI) August 24, 2022
Hugs, smiles and warm-ups as we begin prep for #AsiaCup2022 #AsiaCup | #TeamIndia 🇮🇳 pic.twitter.com/bVo2TWa1sz
भारत विरुद्ध पाकिस्तान Head to Head
आतापर्यंत आशिया चषक स्पर्धेत भारत आणि पाकिस्तान (India vs Pakistan in Asia Cup) 14 वेळा एकमेकांविरुद्ध मैदानात उतरले आहेत. यावेळी भारतीय संघाचंच पारडं जड असल्याचं दिसून आलं आहे. भारताने पाकिस्तानला या 14 पैकी 8 सामन्यांत धुळ चारली आहे. तर पाकिस्तान देखील 5 सामने जिंकण्यात यशस्वी राहिला आहे. याशिवाय 1997 मध्ये पार पडलेल्या एका सामन्याचा निर्णय न लागला नसल्याचंही समोर आलं आहे.
कधी, कुठं रंगणार यंदीचा भारत-पाकिस्तान सामना?
आशिया चषकात भारत आणि पाकिस्तान 28 ऑगस्टला आमने-सामने येणार आहे. हा सामना दुबईत खेळला जाणार आहे. या स्पर्धेतील ग्रुप सामन्यानंतर सुपर फोर सामने खेळले जाणार आहेत. त्यानंतर अंतिम सामना खेळला जाणार आहे. या स्पर्धेतील अंतिम सामनाही दुबईत 11 सप्टेंबर रोजी खेळला जाणार आहे.
आशिया कपसाठी भारतीय संघ
रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पांड्या, रवींद्र जाडेजा, रवीचंद्रन आश्विन, युजवेंद्र चहल, रवी बिश्नोई, भुवनेश्वर कुमार, अर्शदीप सिंह, आवेश खान.
राखीव - दीपक चाहर, श्रेयस अय्यर, अक्षर पटेल
आशिया कपसाठी पाकिस्तान संघ
बाबर आझम (कर्णधार), शादाब खान, आसिफ अली, फखर जमान, हैदर अली, हरिस रौफ, इफ्तिखार अहमद, खुशदिल शाह, मोहम्मद नवाज, मोहम्मद रिझवान, मोहम्मद वसीम ज्युनियर, नसीम शाह, शाहनवाज दहनी, उस्मान कादिर, मोहम्मद हसनैन.
हे देखील वाचा-
महत्त्वाच्या बातम्या
