ग्लेन जेकब्ज 1 सप्टेंबर रोजी अधिकृतरित्या महापौरपदाचा कार्यभार स्वीकारेल. मागील वर्षी केनने WWE रिंगमध्ये पुनरागमन करण्याचे संकेत दिले होते. संधी मिळाली तर राजकारणासह रेसलिंगही करेन, असं त्याने म्हटलं होतं.
6 फूट 8 इंच उंचीच्या केनचा नव्वदच्या दशकात WWE च्या रिंगमध्ये दबदबा होता. बराच काळ तो WWE चा हेवीवेट चॅम्पियनही होता. मोठे केस आणि लाल रंगाचा मास्क हीच केनची ओळख होती. मात्र नंतर त्याने आपला लूक बदलला. त्याने टक्कल केलं होतं आणि मास्कही काढला होता.
केन अनेक वर्षांपासून राजकारणात सक्रीय होता. ग्लेन जेकब्ज मागील वीस वर्षांपासून टेनेसेमध्येच राहतो. सध्या तो पत्नीसोबत विमा आणि एक रियल इस्टेट कंपनी चालवतो.