Virat Kohli and Rohit Sharma : कोहली आज मैदानात उतरताच 'विराट' इतिहास रचणार! कॅप्टन रोहित सुद्धा स्पेशल रेकॉर्ड करणार
विराट कोहली हा जगातील पहिला खेळाडू बनेल ज्याने किमान 300 एकदिवसीय, 100 टी-20 आणि 100 कसोटी सामने खेळले आहेत. कोहलीने 2008 मध्ये श्रीलंकेविरुद्ध एकदिवसीय क्रिकेटमध्ये पदार्पण केले
Virat Kohli and Rohit Sharma :आयसीसी चॅम्पियन्स ट्रॉफी 2025 मधील भारतीय संघाचा शेवटचा गट सामना आज (2 मार्च) न्यूझीलंडविरुद्ध आहे. हा सामना दुबई आंतरराष्ट्रीय क्रिकेट स्टेडियमवर भारतीय वेळेनुसार दुपारी 2.30 वाजता होणार आहे. दोन्ही संघ आधीच उपांत्य फेरीत पोहोचले आहेत. या सामन्यातील विजयी संघ उपांत्य फेरीत ऑस्ट्रेलियाशी भिडणार आहे. पराभूत संघाचा उपांत्य फेरीत सामना दक्षिण आफ्रिकेशी होईल.
मैदानात उतरताच कोहली इतिहास रचणार
टीम इंडियाचा माजी कर्णधार विराट कोहलीसाठी हा सामना खूप खास आहे. कोहलीच्या कारकिर्दीतील हा 300 वा वनडे सामना असणार आहे. भारताकडून 300 वनडे सामने खेळणारा किंग कोहली हा केवळ सातवा क्रिकेटपटू ठरणार आहे. या स्पेशल क्लबमध्ये मोहम्मद अझरुद्दीन, सचिन तेंडुलकर, एमएस धोनी, राहुल द्रविड, सौरव गांगुली आणि युवराज सिंग आधीच आहेत.
Take a look at the statistical comparison of Virat Kohli, Sachin Tendulkar, and Kumar Sangakkara at 299 ODIs
— CricTracker (@Cricketracker) March 1, 2025
Virat Kohli is set to play his 300th ODI against New Zealand pic.twitter.com/zUhVLb6XKd
विराट कोहली हा जगातील पहिला खेळाडू बनेल
तसेच, विराट कोहली हा जगातील पहिला खेळाडू बनेल ज्याने किमान 300 एकदिवसीय, 100 टी-20 आणि 100 कसोटी सामने खेळले आहेत. कोहलीने 2008 मध्ये श्रीलंकेविरुद्ध एकदिवसीय क्रिकेटमध्ये पदार्पण केले, तेव्हापासून तो या फॉरमॅटमध्ये अतुलनीय कामगिरी करत आहे. कोहलीने 299 एकदिवसीय सामने खेळले आहेत, ज्यात त्याने 58.20 च्या सरासरीने 14 हजार 85 धावा केल्या आहेत. कोहलीच्या नावावर एकदिवसीय क्रिकेटमध्ये 51 शतके आणि 73 अर्धशतके आहेत.
न्यूझीलंडविरुद्धच्या सामन्यात भारतीय कर्णधार रोहित शर्मा आणि यष्टिरक्षक फलंदाज केएल राहुलवरही नजर असेल. रोहित शर्माने 18 धावा केल्या तर तो न्यूझीलंडविरुद्धच्या एकदिवसीय सामन्यात 1000 हजार धावा पूर्ण करेल. रोहितने किवी संघाविरुद्ध 29 एकदिवसीय सामन्यांमध्ये 37.76 च्या सरासरीने 982 धावा केल्या आहेत. दुसरीकडे, केएल राहुलने या सामन्यात 56 धावा केल्या तर तो एकदिवसीय आंतरराष्ट्रीय क्रिकेटमध्ये 3000 हजार धावा पूर्ण करेल. राहुलने आतापर्यंत 82 एकदिवसीय सामन्यांमध्ये 48.26 च्या सरासरीने 2944 धावा केल्या आहेत.
भारतासाठी सर्वाधिक एकदिवसीय सामने क्रिकेटपटू
- सचिन तेंडुलकर - 463 सामने
- एमएस धोनी- 347 सामने
- राहुल द्रविड- 340 सामने
- मोहम्मद अझरुद्दीन- 334 सामने
- सौरभ गांगुली - 308 सामने
- युवराज सिंग- 301 सामने
- विराट कोहली- 299* सामने
- रोहित शर्मा- 270* सामने
- अनिल कुंबळे- 269 सामने
- वीरेंद्र सेहवाग- 241 सामने
इतर महत्वाच्या बातम्या
महत्त्वाच्या बातम्या
