जागतिक मल्लखांब स्पर्धेला मुंबईत मोठ्या दिमाखात सुरुवात

पहिल्या जागतिक मल्लखांब स्पर्धेच्या उद्घाटन सोहळ्यात 88 वर्षांच्या शांतिलाल संघवी यांनी आपलं कौशल्य सादर केलं. त्यांनी वयाच्या ८२व्या वर्षी मल्लखांबाची बाराखडी गिरवायला सुरुवात केली.

मुंबईतल्या दादरच्या शिवाजी पार्कमधल्या श्री समर्थ व्यायाम मंदिराच्या प्रांगणात आज शनिवार आणि उद्या रविवारी स्पर्धा संपन्न होईल.

पहिल्या जागतिक मल्लखांब स्पर्धेत सहभागी झालेल्या 14 देशांमधल्या खेळाडूंच्या वतीनं भारतीय संघांचे कर्णधार हिमानी परब आणि सागर ओव्हाळकर यांनी शपथ घेतली.

पहिल्या जागतिक मल्लखांब स्पर्धेचं मोठ्या उत्साहात उद्घाटन झालं आहे. भारतासह १४ देशांचा या स्पर्धेत सहभाग आहे. क्रीडामंत्री विनोद तावडे आणि अभिनेते नसिरुद्दीन शाह यांच्या उपस्थितीत उद्घाटन सोहळा संपन्न झाला.