'हप्त्या'वरुन बिनसलं, उत्तरप्रदेशात पोलीस आपसातच भिडले!

हप्त्यावरुन काही तरी बिनसल्यानं पोलिसांना आपल्या खाकी वर्दीचा विसर पडला आणि त्यांची मजल थेट हाणीमारीपर्यंत गेली.

वसूल करण्यात आलेल्या हप्त्यातील योग्या हिस्सा न मिळाल्यानं पोलिसांनी एकमेकांना मारहाण केली.

ही घटना उत्तर-प्रदेशमधील राजधानी लखनौमधील आहे. इथं पोलीस चक्क मारामारी करीत होते.

पोलीस आणि चोरांमधील झटापट आपण नेहमीच पाहतो. पण एक पोलीस दुसऱ्या पोलिसाला मारहाण करीत असल्याचं दृश्य पाहिलं नव्हतं. पण लखनौमध्ये अवैध वसुलीतील (हप्ता) हिस्सा न मिळाल्यानं चक्क पोलीसच एकमेकांना भिडले.