सुपरफॅन सुधीर चौधरीच्या मदतीला सचिन धावला!

इंग्लंडमधील चॅम्पियन्स ट्रॉफीसाठी संघनिवड जाहीर करण्याची आयसीसीची अंतिम मुदत उलटून गेली तरीही बीसीसीआयनं टीम इंडियाची घोषणा केलेली नाही. तसंच या स्पर्धेसाठी आपल्या खेळाडूंना युनायटेड किंग्डमचा व्हिसा मिळावा म्हणून बीसीसीआयनं अर्जही केलेला नाही. पण चॅम्पियन्स ट्रॉफीसाठी सुधीर चौधरी या टीम इंडियाच्या पाठीराख्याला युकेचा व्हिसा मिळावा म्हणून सचिन तेंडुलकरनं व्हिसा अधिकाऱ्यांना शिफारसपत्र लिहिलं आहे.

सुधीरला चॅम्पियन्स ट्रॉफीसाठी युकेचा व्हिसा मिळण्यात तांत्रिक अडचण असल्याचं सचिनच्या कानावर गेलं होतं. त्यामुळं सचिननं सुधीर चौधरीला घरी बोलावून त्याला खास शिफारसपत्र दिलं.

पाहा आणखी फोटो....

2015 सालच्या विश्वचषकासाठीही सुधीरला ऑस्ट्रेलिया आणि न्यूझीलंडचा व्हिसा मिळावा म्हणून सचिननंच शिफारसपत्र दिलं होतं.

सचिनचा कट्टर चाहता आणि टीम इंडियाचा पाठीराखा अशी सुधीर चौधरीची क्रिकेटविश्वात ओळख आहे.