बांगलादेशविरुद्धच्या सराव सामन्यापूर्वी या दिग्गजाचा टीम इंडियात समावेश

मात्र टीम इंडियाच्या ताफ्यात रोहित शर्मा आता सहभागी झाल्याची माहिती बीसीसीआयने दिली आहे. (फोटो : BCCI)

टीम इंडियाचा सलामीवीर फलंदाज रोहित शर्माच्या नेतृत्वात आयपीएलमध्ये मुंबई इंडियन्सने विजेतेपदावर नाव कोरलं आहे. मात्र या मालिकेत रोहित शर्माला आपल्या लौकिकाला साजेशी कामगिरी करता आली नाही. त्यामुळे चॅम्पियन्स ट्रॉफीत त्याच्याकडून भारताला मोठ्या अपेक्षा आहेत. (फोटो : BCCI)

पहिल्या सराव सामन्यामध्ये युवराज सिंह आणि रोहित शर्माला खेळता आलं नाही. युवराजला ताप आल्यामुळे सामन्यातून माघार घ्यावी लागली, तर रोहित शर्मा कुटुंबातील एका विवाह सोहळ्यामुळे मुंबईतच होता.

टीम इंडियाने काल झालेल्या सराव सामन्यात न्यूझीलंडवर 45 धावांनी मात केली. गोलंदाज मोहम्मद शमी आणि भुवनेश्वर कुमार यांचा प्रभावी मारा, तर कर्णधार विराट कोहलीच्या फलंदाजीच्या बळावर टीम इंडियाने हा विजय मिळवला.

इंग्लंडमध्ये 1 जूनपासून आयसीसी चॅम्पियन्स ट्रॉफीला सुरुवात होणार आहे. या मालिकेत भारताचा पहिला सामना पारंपारिक प्रतिस्पर्धी पाकिस्तानशी 4 जून रोजी होईल.