बॉलिवूडची आई हरपली, रीमा लागू यांचं निधन

कणखर अभिनयाने सिनेसृष्टीत वेगळेपण जपणारी हरहुन्नरी अभिनेत्री रीमा लागू यांचं निधन झालं. त्या 59 वर्षांच्या होत्या. बॉलिवूडची ग्लॅमरस आई म्हणून रीमा लागू परिचीत होत्या.

रीमा लागू यांनी सुमारे चार दशकं चित्रपट आणि नाट्य सृष्टी गाजवली. रीमा यांनी अनेक हिंदी चित्रपटांमधून चरित्र अभिनेत्री म्हणून काम केलं आहे.

रीमा लागू यांनी मराठी, हिंदी चित्रपट आणि नाट्य क्षेत्रात मोठं योगदान दिलं. पूर्वाश्रमीच्या नयन भडभडे लग्नानंतर रीमा लागू या नावाने ओळखल्या जात.

कल हो ना हो या सिनेमात रीमा लागू शाहरुख खानच्या आईच्या भूमिकेत पाहायला मिळाल्या

रीमा लागू या रिअल लाईफमध्ये संजय दत्तपेक्षा केवळ वर्षभराने मोठ्या आहेत. मात्र 'वास्तव' या गाजलेल्या सिनेमात रीमा लागू यांनी संजय दत्तच्या आईची भूमिका साकारली आहे.

बॉलीवूडमधील मायाळू आई म्हणूनही त्या परिचीत होत्या. ‘हम आपके हैं कौन’ या सिनेमात त्यांनी माधुरी दीक्षितच्या आईची भूमिका साकारली आहे.

छातीत दुखू लागल्याने त्यांना काल मुंबईतील कोकिलाबेन रुग्णालयात दाखल करण्यात आलं होतं. तिथेच त्यांनी अखेरचा श्वास घेतला. आज सकाळी त्यांची प्राणज्योत मालवली.