हिशेब चुकता ! राहुल आवारेने संदीप तोमरला लोळवलं

भारतीय महासंघाकडून झालेल्या त्याच अन्यायाचा हिशेब, राहुलनं संदीपला हरवून चुकता केला.

रिओ ऑलिम्पिकमधल्या 57 किलो वजनी गटात भारताचं प्रतिनिधित्त्व कुणी करायचं यासाठी चुरस होती. पण भारतीय कुस्ती महासंघानं त्या वेळी निवड चाचणी न घेताच संदीप तोमरला रिओचं तिकीट दिलं होतं.

भारतीय कुस्ती महासंघाचे अध्यक्ष ब्रिजभूषण यांच्या साक्षीनं राहुल आवारेनं संदीप तोमरवर मिळवला निर्विवाद विजय.

लढतीच्या पहिल्या राऊंडमध्ये संदीपने 3-0 अशी आघाडी घेतली होती. पण दुसऱ्या राऊंडमध्ये राहुलनं आक्रमक खेळ करून 14 गुणांची घसघशीत कमाई केली. हीच कमाई राहुलला तांत्रिकदृष्ट्या निर्विवाद विजय देणारी ठरली.

महाराष्ट्राचा पैलवान राहुल आवारेने रिओ ऑलिम्पिकसाठीच्या निवडीत त्याच्यावर झालेल्या अन्यायाचा हिशेब आज चुकता केला. प्रो रेसलिंग लीगमधल्या 57 किलोच्या लढतीत राहुलनं त्याचा पारंपरिक प्रतिस्पर्धी संदीप तोमरचा 14-5 असा तब्बल नऊ गुणांनी पराभव केला.