बेळगाव शहर आणि परिसरात वळीवाची तासभर दमदार हजेरी

पावसाच्या हलक्या सरींना प्रारंभ झाल्यावर उकाड्याने हैराण झालेल्या बेळगावकर जनतेने घरासमोर, टेरेसवर जावून पहिल्या पावसात भिजण्याचा मनसोक्त आनंद लुटला.

जोराच्या पावसामुळे रस्त्यावर पाणी झालेच, शिवाय तुंबलेल्या गटारामुळे गटारातील पाणीही रस्त्यावर आले.

ढगांचा गडगडाट आणि विजांचा चमचमाट आणि वळीवाची हजेरी अनुभवायला मिळाली.

उष्मा प्रचंड वाढल्यामुळे पाऊस येणार असे वाटत होते आणि साडेचारच्या सुमाराला वळीवाच्या हलक्या सरींनी हजेरी लावली.

एक तासभर हजेरी लावून वळीवाने वातावरण गारेगार करून सोडले.

काही वेळाने पावसाच्या सरी जोरात कोसळू लागल्या आणि सगळीकडे पाणीच पाणी झाले. गाराही पडल्यामुळे गारा वेचून खाण्याचा आनंदही अनेकांनी घेतला.

बेळगाव शहर आणि परिसरात वळीवाने एक तासभर दमदार हजेरी लावून सगळीकडे पाणीच पाणी केले. सकाळपासूनच उष्मा प्रचंड वाढला होता. घामाच्या धारांनी त्रस्त झालेल्या बेळगावकरांनी वळीवामुळे सुखद गारवा अनुभवला.