किचन वेस्टमधून बेस्ट खत, ओला कचरा विघटन प्रक्रिया यंत्र

पंतप्रधान नरेंद्र मोदी यांच्या स्वच्छ भारत अभियानाअंतर्गत मुंबई महापालिकेने केलेल्या आवाहनानुसार दहीसरमधील रिव्हर पार्क संकुलात ओला कचरा विघटन प्रक्रिया स्वयंचलित यंत्रणा स्थापन करण्यात आली आहे.

विशेष म्हणजे या यंत्रासाठी मेन्टेनन्सचा कोणताही खर्च येत नाही. त्याचप्रमाणे घाणेरडा वास किंवा आवाजही होत नाही.

फळांची सालं, भाज्या, भाज्यांची टरफलं, भाजीची करी, रोटी, चपाती, ब्रेड, अंड्याचे साल, चिकनची हाडं, मासे, किचनमधील उर्वरित कचरा, बागेतील कचरा अशा कुठल्याही प्रकारचा जैविक कचरा या यंत्रात विघटित होतो.

इकोमॅट कंपनीच्या ओला कचरा विघटन प्रक्रिया यंत्रात 50 किलोपर्यंत ओला कचरा टाकता येतो. त्यातून सात किलो कम्पोस्ट खत तयार होतं.