आकाशच्या लग्नाच्या आमंत्रणासाठी मुकेश-नीता अंबानी सिद्धिविनायक चरणी

उद्योगपती मुकेश आणि नीता अंबानी यांचे सुपुत्र आकाश अंबानी येत्या 9 मार्चला विवाहबंधनात अडकणार आहेत.

गेल्या वर्षी जून महिन्यात आकाश आणि श्लोका मेहता यांचा साखरपुडा झाला होता.

मुंबईतील जियो वर्ल्ड सेंटरमध्ये आकाश आणि श्लोका यांचा विवाह होणार आहे. 9 तारखेला दुपारी 3.30 वाजता आकाशची वरात निघेल. संध्याकाळी सात वाजता लग्नाचे विधी पार पडणार आहेत. 11 तारखेला लग्नाचं रिसेप्शन आहे.

आकाशच्या लग्नाची जोरदार तयारी अंबानी कुटुंबात सुरु आहे.

सिद्धिविनायक मंदिराचे अध्यक्ष आणि प्रसिद्ध अभिनेते आदेश बांदेकर यावेळी उपस्थित होते.

आकाशच्या लग्नाची आमंत्रण पत्रिका बाप्पाला देण्यासाठी मुकेश-नीता अंबानी धाकटा मुलगा अनंतसोबत मुंबईतील सिद्धिविनायकाच्या चरणी आले होते.