लहानग्या झिवा धोनीसाठी शाहरुखही लहानगा बनला!

मैदानात सामना सुरु असताना, इकडे प्रेक्षक गॅलरीत शाहरुख आणि झिवाची मस्ती सुरु होती. झिवाही न रडता शाहरुखसोबत खेळत होती.

या सामन्यात केकेआरला पाठिंबा देण्यासाठी शाहरुख हजर होता. तर सीएसकेसाठी धोनीची बायको साक्षी आणि मुलगी झिवा हजर होती. यावेळी शाहरुखने लहानग्या झिवासोबत वेगवेगळे फोटो काढले. शाहरुखही झिवासोबत लहानगा बनला.

एकीकडे या सामन्याचा थरार सुरु असताना, दुसरीकडे केकेआरचा मालक अभिनेता शाहरुख खान आणि सीएसकेचा कर्णधार महेंद्रसिंह धोनीची मुलगी झिवाची मजामस्ती सुरु होती.

आयपीएलच्या मैदानात बुधवारी कोलकाता नाईट रायडर्स आणि चेन्नई सुपर किंग्ज यांच्यात सामना रंगला. या सामन्यात ड्वेन ब्राव्हो आणि रवींद्र जाडेजानं अखेरच्या फटकावलेल्या 19 धावांमुळे, चेन्नई सुपर किंग्सने आयपीएलच्या रणांगणात सलग दुसऱ्या सनसनाटी विजयाची नोंद केली. या सामन्यात चेन्नईनं कोलकाता नाईट रायडर्सचा एक चेंडू आणि पाच विकेट्स राखून पराभव केला.