मर्सडिज बेंझची नवी कार भारतात लॉन्च, AMG G63 ची वैशिष्ट्ये काय?

एसयूव्ही एएमजी जी 63 सुमारे केवळ साडे चार सेकंदात 100 किमी प्रति तास वेग घेऊ शकते. ही कार कमाल 220 किमी प्रति तास वेगाने धावू शकते.

कारचं वैशिष्ट्य म्हणजे खराब रस्ते, डोंगराळ मार्गांवरही ती सहजरित्या चालवता येते.

जर्मनीची लक्झरी कार बनवणारी कंपनी मर्सडिज बेंझने शुक्रवारी आपली प्रीमियम एसयूव्ही एएमजी जी63 चं नवं मॉडेल बाजारात आणलं आहे. कपंनीने या नव्या कारची किंमत 2.19 कोटी रुपये निश्चित केली आहे.

या कारचं इंटिरिअर पाहूनच ती लक्झरी का आहे, याची प्रचिती येते. नव्या मॉडेलमध्ये चार लिटर व्ही-8 बायटर्बो पेट्रोल इंजिन लावलेलं आहे. नवी एसयूव्ही 585 हॉर्सपॉवरची आहे.

मर्सडिज बेंझ इंडियाचे उपाध्यक्ष मायकल जॉप (सेल्स अँड मार्केटिंग) यांच्या माहितीनुसार, भारतीय बाजारात लॉन्च होणारं एएमजी जी 63 हे दहावं वाहन आहे. सणांच्या मोसमात ही कार लॉन्च केल्याने आम्ही उत्साहित आहोत.