स्वर्गीय बाळासाहेबांच्या पहिल्या स्मारकाचं अनावरण

शिवसेनाप्रमुख स्वर्गीय बाळासाहेब ठाकरेंच्या पहिल्या स्मारकाचं शिवसेना पक्षप्रमुख उद्धव ठाकरेंच्या हस्ते लोकार्पण करण्यात आलं.

कल्याणमधील काळा तलाव परिसरात बाळासाहेबांचं स्मारक उभारण्यात आलं आहे.

कल्याणमध्ये शिक्षक मतदारसंघातील निवडणुकीसाठी आचारसंहिता लागू झाली आहे. मात्र, बाळासाहेबांच्या स्मारकाच्या उद्घाटनासाठी निवडणूक आयोगानं विशेष परवानगी दिली होती.

बाळासाहेबांच्या स्मारकाच्या उद्घाटनासाठी शिवसेनेचे प्रमुख नेते उपस्थित होते. तसंच शिवसैनिकांनी देखील काळा तलाव परिसरात मोठी गर्दी केली होती.