रतलामच्या महालक्ष्मी मंदिराची पैसे, मौल्यवान दागिन्यांनी सजावट

व्यवसायात, नोकरीत आणि शेतीला बरकत मिळावी या श्रद्धेनं हजारो लोक मंदिरात आपल्या घरातल्या मौल्यवान वस्तू आणून देतात.

पैसे, वेगवेगळे मौल्यवान दागिने अशी तब्बल 100 कोटींहून अधिकची रक्कम या सजावटीत वापरण्यात आली आहे.

कोट्यवधींचा हिशेब असूनही मंदिरातील एक रुपया इकडचा तिकडे होत नाही.

मध्यप्रदेशच्या रतलाम येथील महालक्ष्मीच्या मंदिराची चक्क नोटांनी सजावट करण्यात आली आहे.

मंदिराची देखरेख थेट जिल्हाधिकाऱ्यांच्या अखत्यारित आहे.

दिवाळीत अनेक वर्षांपासून नोटा आणि मौल्यवान दागिन्यांनी मंदिर सजवण्याची प्रथा आहे.

महालक्ष्मीच्या मंदिरात 5 दिवस चालणाऱ्या या सोहळ्यानंतर भाविकांनी आणलेल्या नोटा किंवा दागिने त्यांना परतही केले जातात.