मुंब्रा बायपासवर दरड कोसळल्यामुळे वाहतूक कोंडी

मुंबई-नाशिक महामार्गावर मुंब्रा बायपासवर मध्यरात्री दरड कोसळण्याची घटना घडली आहे. ट्रेलरवर ही दरड कोसळली, मात्र सुदैवाने यामध्ये कोणतीही जिवितहानी झाली नाही. रेहमानिया रुग्णालयाजवळील ही घटना आहे.

घटनेची माहिती मिळाल्यानंतर दरड हटवण्यासाठी यंत्रणा घटनास्थळी दाखल झाल्या आहेत. दरम्यान मार्गावर सध्या वाहतुकीस मोठा अडथळा निर्माण झाला आहे. वाहतूक पूर्ववत करण्यासाठी अजून काही तासांचा अवधी लागणार आहे.