कर्नाटकातील बिदरमध्ये मराठा समाजाचा मूक मोर्चा

मराठा क्रांती मोर्चाचं लोण महाराष्ट्राबाहेरही पसरलं आहे. कर्नाटकच्या बिदरमध्ये आरक्षणाच्या मागणीसाठी मराठा समाजाकडून मूक मोर्चा काढण्यात आला.

हा मोर्चा पापनास गेटपासून निघून बस स्थानक, मडिवाळ चौक, जनरल करियाप्पा चौक, डॉ. बाबासाहेब आंबेडकर चौक, शहीद भगतसिंह चौक, महात्मा बसवेश्वर चौक, छ. शिवाजी चौकातून जिल्हाधिकारी कार्यालयावर धडकत आहे.

मोर्चाच्या अखेरीस युवतींच्या हस्ते विविध मागण्यांचे निवेदन जिल्हाधिकाऱ्यांना देण्यात येणार आहे.

कर्नाटकातील मराठा मोर्चेकरांनी आपल्या अनेक मागण्या शासनापुढे ठेवल्या आहेत.

कोपर्डीतील आरोपींना कठोर शिक्षा करण्याबरोबरच कर्नाटकात असलेल्या 8 टक्के मराठा समाजाला सरकारकडून कसल्याच प्रकारच्या सुविधा मिळत नसल्याने मोर्चा काढण्यात आला आहे.