Chandrayan 2 : चांद्रयान-2 चं यशस्वी प्रक्षेपण, भारतीय शास्त्रज्ञांचं देशभरातून कौतुक

श्रीहरिकोटा येथे लाँचिंगवेळी प्रेक्षक गॅलरीत मोठ्या प्रमाणावर लोकांची गर्दी पाहायला मिळाली. हा ऐतिहासिक क्षण स्वतःच्या डोळ्यांनी पाहण्यासाठी मोठ्या उत्साहात सर्व जमले होते.

चांद्रयान-2 च्या लाँचिंगवेळी देशभरात उत्साहाचं वातावरण होतं.

चंद्राच्या या भागात उतरण्याचं धाडस अद्याप कोणत्याही देशाने केलेलं नाही.

ही मोहीम यशस्वी झाल्यानंतर चंद्राच्या दक्षिण ध्रुवाच्या पृष्ठभागावर उतरणारा भारत हा जगातील पहिला देश बनेल.

दुपारी 2 वाजून 43 मिनिटांनी चांद्रयान-2 अवकाशात यशस्वीरित्या झेपावलं. चांद्रयान-2 सुमारे 3 लाख 84 हजार किमीचा प्रवास केल्यानंतर चंद्रावर उतरेल.

भारत अशा प्रकारची मोहीम राबवणारा पहिलाच देश ठरणार आहे.

चांद्रयान-2 च्या यशस्वी लाँचिंगनंतर भारतीय शास्त्रज्ञांवर जगभरातून शुभेच्छांचा वर्षाव झाला.

15 जुलैला चांद्रयान 2 लॉन्चिंग स्थगित झालं होतं. तांत्रिक कारणांमुळे लाँचिंग काऊंटडाऊनच्या जवळपास 56 मिनिट आधीच मोहीम स्थगित करण्यात आली होती.

चांद्रयान-2 हे पूर्णपणे भारतीय बनावटीचं आहे. भारताची ही दुसरी चंद्रमोहीम आहे.

इस्रोच्या महत्त्वाकांक्षी चांद्रयान-2 चं काल (22 जुलै) प्रक्षेपण करण्यात आलं. श्रीहरिकोटाच्या सतीश धवन अंतराळ केंद्रातून दुपारी 2 वाजून 43 मिनिटांनी चांद्रयान-2 अवकाशात यशस्वीरित्या झेपावलं.