आयसिसचं महाराष्ट्र कनेक्शन!

दरम्यान, आज परभणीनंतर आयसिस या दहशतवादी संघटनेच्या संपर्कात असल्याच्या संशयातून एकाला ताब्यात घेतलं आहे. रईसुद्दीन सिद्दीकी असं संशयिताचं नाव आहे. तो हिंगोलीच्या आजम कॉलनीतल्या जिल्हा परिषदेच्या शाळेत शिक्षक म्हणून कार्यरत आहे.

प्रामुख्यानं कट्टर विचारसरणीच्या असलेल्या भागांमध्ये ही मोहीम राबवली जाणार असल्याची माहिती पोलीस महासंचालक सतीश माथूर यांनी नागपूरमध्ये दिली.

हेच ओळखून महाराष्ट्र पोलिस आता दारोदारी जाऊन नव्या लोकांची पडताळणी करणार आहेत. शहरात येणाऱ्या नव्या लोकांच्या नोंदी असाव्यात आणि शहरातील कायदा व सुव्यवस्था अबाधित राहण्याच्या दृष्टीनं ही नवी मोहीम सुरु केली जाईल.

आता आयसिसचा प्रभाव कमी करण्याचं नवं आव्हान पोलिसांसमोर आहे.

आयसिसचा धोका आता आपल्या देशात किंबहुना आपल्या महाराष्ट्रातही येऊन पोहोचला आहे. मागील काही महिन्यात मुंबई, ठाणे, नवी मुंबई भागातली काही तरुण आयसिसच्या संपर्कात असल्याच्याही बातम्या आल्या आहेत.