'इथे' श्रीदेवींवर अंत्यसंस्कार होणार, अखेरच्या प्रवासाची तयारी

अंधेरीतील लोखंडवालापासून ते विले पार्ले येथील अंत्ययात्रेसाठी पोलिसांनी कडेकोट बंदोबस्त ठेवला आहे.

अंधेरीतील सेलिब्रेशन स्पोर्ट्स येथे श्रीदेवींच्या अंत्यदर्शनासाठी चाहत्यांनी मोठी गर्दी केली आहे. शिवाय बॉलिवूड सेलिब्रिटींनीही हजेरी लावली.

सकाळी साडे नऊ ते दुपारी साडे बारा वाजेपर्यंत श्रीदेवी यांचं पार्थिव अंत्यदर्शनासाठी ठेवण्यात आलं आहे. त्यानंतर अंधेरीतील सेलिब्रेशन स्पोर्ट्स क्लबपासून अंत्ययात्रा सुरु होईल.

श्रीदेवी यांचं पार्थिव रात्री 9.40 वाजताच्या सुमारास मुंबई विमानतळावर दाखल झालं. यावेळी कपूर कुटुंबीय त्यांच्यासमवेत होतं. टीना आणि अनिल अंबानी, अनिल कपूर, सोनम कपूर विमानतळावर उपस्थित होते.

स्मशानभूमीत श्रीदेवी यांच्या अंत्यसंस्काराची तयारी करण्यात येत आहे.

अंधेरीच्या सेलिब्रेशन क्लबमध्ये श्रीदेवी यांचं पार्थिव अंतिम दर्शनासाठी ठेवण्यात आलं आहे. त्यानंतर दुपारी साडेतीन वाजता पार्ल्याच्या स्मशानभूमीत श्रीदेवी यांच्यावर शासकीय इतमामात अंत्यसंस्कार करण्यात येतील.

श्रीदेवी यांच्या चाहत्यांनी अंतिम दर्शनासाठी मोठी गर्दी केली आहे. श्रीदेवी यांना अखेरचा निरोप देण्यासाठी देशभरातून लाखो चाहते मुंबईत दाखल झाले आहेत.