मोदींच्या मतदारसंघात घराणेशाहीचा आरोप, भाजप कार्यकर्ते रस्त्यावर

सौरभ श्रीवास्तव यांचा या मतदारसंघात फारसा प्रभाव नाही. तरीही त्यांना तिकीट दिलं आहे, त्यामुळे तिकीट मागे घ्यावं, यासाठी कार्यकर्ते आक्रमक झाले आहेत.

पक्षात घराणेशाही कायम राहिली तर कमळ फुलणारच नाही, असं कार्यकर्त्यांचं म्हणणं आहे.

एवढंच नाही तर उत्तर प्रदेशातील भाजपचे नेते केशव प्रसाद मौर्य, ओम माथूर आणि सुनील ओझा काशी येथील बैठकीसाठी गेले, तेव्हा त्यांनाही विरोधाचा सामना करावा लागला.

या कार्यकर्त्यांनी भाजपच्या विद्यमान आमदाराच्या मुलाला तिकीट दिल्याने भाजपमध्ये घराणेशाही असल्याचा आरोप केला आहे. कार्यकर्त्यांनी भाजपचा झेंडा हातात घेऊन सौरभ श्रीवास्तव आणि त्यांची आई विद्यमान आमदार डा ज्योत्सना यांचे पोस्टर जाळले.

वाराणसी : वाराणसी या पंतप्रधान नरेंद्र मोदी यांच्या मतदार संघात भाजप कार्यकर्त्यांचं जोरदार आंदोलन सुरु आहे. कँट विधानसभा मतदारसंघासाठी तिकीट दिलेल्या उमेदवाराला या कार्यकर्त्यांचा विरोध आहे.