जालन्यात लष्कराच्या हेलिकॉप्टरचं इमर्जन्सी लँडिंग!

या इमर्जन्सी लँडिंगमुळे गावकऱ्यांमध्ये काही काळ भितीचं वातावरण पसरलं होतं.

दरम्यान, तासभर यातील दुरुस्ती झाल्यानंतर या हेलिकॉप्टरने लगेच उड्डाण केलं.

जालना जिल्ह्यातील अंबड तालुक्यातल्या नागझरी शिवारात आज सकाळी अंदाजे 9 च्या सुमारास लष्कराच्या हेलिकॉप्टरचं इमर्जन्सी लँडिंग करण्यात आलं.

नागझरी गावाजवळ हे हेलिकॉप्टर बराच वेळ घिरट्या घालत होतं. दरम्यान, यात बिघाड झाल्याचं लक्षात आल्याने पायलटने प्रसंगावधान राखून याच गावाजवळच्या मोकळ्या रानवर हेलिकॉप्टरचं लँडिंग केलं.