IPL10 : शंभर फलंदाजांना माघारी धाडणारा कार्तिक एकमेव विकेटकीपर

दिनेश कार्तिकच्या अर्धशतकीय खेळीनंतरही गुजरात लायन्सला पराभवाचा सामना करावा लागला. किंग्ज इलेव्हन पंजाबने गुजरात लायन्सचा 26 धावांनी पराभव करुन आपला यंदाच्या आयपीएल मोसमातला तिसरा विजय नोंदवला.

दिनेश कार्तिकने 146 सामन्यांमध्ये 26 स्टम्पिंग आणि 74 झेल घेत हा विक्रम नोंदवला.

मात्र या इनिंगमध्ये विकेटकीपर दिनेश कार्तिकने आयपीएल इतिहासातल्या अशा विक्रमाला गवसणी घातली, जो विक्रम आतापर्यंत एकही विकेटकीपर करु शकलेला नाही.

गुजरातच्या गोलंदाजी दरम्यान अँड्र्यू टायने 2, शुभम अग्रवाल, रवींद्र जाडेजा, नाथू सिंह आणि ड्वेन स्मिथ यांनी प्रत्येकी एक विकेट घेतली.

आयपीएलच्या इतिहासात 100 फलंदाजांना माघारी धाडणारा दिनेश कार्तिक एकमेव विकेटकीपर ठरला आहे.

कार्तिकनंतर पुण्याचा विकेटकीपर महेंद्रसिंह धोनीचा दुसरा क्रमांक लागतो. त्याने 94 फलंदाजांना माघारी धाडण्यात योगदान दिलं आहे.