कमी शिक्षणातही चांगले जॉब.... बक्कळ कमाई!

बेरोजगारी ही भारतातील आजच्या घडीला सर्वात मोठी समस्या आहे. देशातील अनेक सुशिक्षित तरुणही नोकरी मिळत नसल्याने घरी बसून असतात. मात्र, आम्ही आज तुम्हाला असे चार जॉब सांगणार आहोत, ज्यांच्यासाठी तुम्हाला उच्चशिक्षण घेण्याचीही गरज नाही. तुम्ही ग्रॅज्युएशन पूर्ण केलं नसलं, तरी तुम्हाला या जॉबमधून पैसा कमवता येईल.

रेडिओ जॉकी आणि व्हिडीओ जॉकी – तुमच्या क्रिएटिव्हिटीवर आधारित जॉब म्हणजे रेडिओ जॉकी आणि व्हिडीओ जॉकी. या जॉबसाठी तुम्हाला कोणत्याही विशेष कोर्सची आवश्यकता नसते. मात्र, प्रोफेशनल ट्रेनिंग करावी लागते. ही ट्रेनिंगही फार अवघड असते, अशातला भाग नाही. तुमचा आवाज स्पष्ट असणं आवश्यक आहे आणि भाषेवर चांगली पकड असली पाहिजे. यामधून तुम्ही महिन्याकाठी किमान 35 ते 40 हजार रुपये कमवू शकता.

फिटनेस ट्रेनर – देशातील फूड कल्चर मोठ्या प्रमाणात बदलतो आहे. यामुळे अनेकदा लोकांना आरोग्याशी संबंधित समस्यांनाही तोंड द्यावं लागतं. त्यामुळे फिट राहण्यासाठी अनेकजण फिटनेस ट्रेनरची मदत घ्यावी लागते. या क्षेत्रात फिटनेसचं चांगलं ज्ञान आवश्यक आहे. मात्र, या फिल्डमध्ये कोणत्याही विशिष्ट शिक्षणाची गरज नसते. या प्रोफेशनमधून तुम्ही महिन्याला सुमारे 60 ते 70 हजार रुपये कमाई करु शकता.

इव्हेंट मॅनेजमेंट – गेल्या काही वर्षांपासून इव्हेंट मॅनेजमेंटकडे प्रोफेशन म्हणून पाहिलं जात आहे. विशेष म्हणजे इव्हेंट मॅनेजमेंटसाठी तुम्हाला कोणती डिग्री-डिप्लोमाची आवश्यकता नाही. मात्र, इव्हेंट मॅनेजमेंटची बेसिक माहिती तुम्हाला असणं गरजेचं आहे. शिवाय, पार्टी वगैरे अटेन्ड करणं तुम्हाला आवडत असेल, तर हे प्रोफेशन तुमच्यासाठी आणखी सोपं ठरेल. या प्रोफेशनच्या माध्यमातून तुम्ही महिन्याकाठी सुमारे 40 ते 50 हजार रुपये कमवू शकता.

बीपीओ – इंग्रजी आणि हिंदी भाषांवर तुमचं चांगलं प्रभुत्त्व असेल, तर तुम्हील बीपीओमध्ये चांगले पैसे कमवू शकता. विशेष म्हणजे बीपीओसाठी ग्रॅज्युएशनचीही गरज नाही. तुम्ही बारावीनंतरही बीपीओमध्ये काम करु शकता. यामध्ये तुम्ही महिन्याकाठी 35 ते 40 हजार रुपये कमवू शकता.