...या राजदूत चक्क रिक्षानं ऑफिस गाठतात!

संसद भवन आणि काही 5 स्टार हॉटेलमध्ये रिक्षांना परवानगी नाकारली जाते. मात्र, तरीही मेल्बा या ईको-फ्रेंडली वाहनाचा वापर करतात.

ऐशोआरामात जीवन जगणाऱ्या एलीट क्लासमधील लोकांसाठी मॅक्सिकोच्या राजदूत मेल्बा प्रिआ याची ही साधी राहणी नक्कीच प्रेरणादायी ठरु शकते.

भारतात मॅक्सिकोनं नियुक्त केलेल्या राजदूत मेल्बा प्रिआ दिल्लीच्या रस्त्यावर चक्क ऑटोनं फिरतात.

जिथे छोटे-मोठे अधिकारीही आपलं कार्यालय गाठण्यासाठी चार चाकी गाडी घेऊन येतात. पण एका देशातील उच्चपदस्थ अधिकारी आपल्या दिल्लीतील कार्यालयात चक्क ऑटो रिक्षाने ये-जा करते. बऱ्याचदा इतर प्रवासही त्या रिक्षानेच करतात.