भारताचा ऐतिहासिक विजय, विराटसोबत अनुष्काचा मैदानावर जल्लोष

70 वर्षांचा इतिहास बदलून भारतीय क्रिकेट संघाने ऑस्ट्रेलियाला त्यांच्याच देशात पराभूत करुन बॉर्डर-गावसकर चषकावर नाव कोरलं. ऑस्ट्रेलियाविरुद्धची चौथी आणि अखेरची सिडनी कसोटी पावसाच्या व्यत्ययामुळे अनिर्णित राहिल्याने भारताने ही मालिका 2-1 अशी जिंकली.

या ऐतिहासिक विजयानंतर भारतीय संघाने मैदानावर तुफान जल्लोष केला. टीम इंडियाचा कर्णधार विराट कोहलीने चषक घेतल्यानंतर खेळाडूंनी मैदानात आनंदोत्सव साजरा केला.

या जोडीने विजयाचा आनंद सोबत साजरा केला. सोशल मीडियावर विराट-अनुष्काचे अनेक फोटो शेअर होत आहेत. अनुष्काशिवाय इतर क्रिकेटर्सचे कुटुंबीयही मैदानात आले होते.

पतीच्या नेतृत्त्वातील भारताच्या कसोटी मालिका विजयाचा आनंद अनुष्काच्या चेहऱ्यावर स्पष्ट दिसत होता. यावेळी अनुष्काने पांढऱ्या रंगाचा ड्रेस परिधान केला होता.

टीम इंडियाच्या या ऐतिहासिक विजयाचा जल्लोष साजरा करण्यासाठी कर्णधार विराट कोहलीची पत्नी अनुष्का शर्माही मैदानात पोहोचली.

पती विराट कोहलीच्या नेतृत्त्वात भारताच्या ऐतिहासिक विजयावर अनुष्का शर्माने आनंदाने विराटला मैदानावर आलिंगन दिलं.