कोण आहेत 'बिग बॉस'च्या घरातील 17 स्पर्धक?

माजी क्रिकेटपटू श्रीशांतही बिग बॉसच्या घरात दिसणार आहे. आयपीएल स्पॉट फिक्सिंग प्रकरणानंतर श्रीशांतने आपला मोर्चा मनोरंजन विश्वाकडे वळवला. हा त्याचा तिसरा रिअॅलिटी शो आहे.

अभिनेत्री सृष्टी रोडने इष्कबाज, छोटी बहू 2 आणि सरस्वतीचंद्र मालिकेत सृष्टीने काम केलं आहे.

मध्य प्रदेशचा शेतकरी सौरभ पटेल आणि बिझनेसमन शिवाशिष मिश्रा हे दोघे मित्रही बिग बॉसचे स्पर्धक असणार आहेत.

राजस्थानच्या सबा खान आणि सोमी खान या बहिणीही बिग बॉसच्या घरात दिसणार आहेत.

पब्लिक वोटिंगद्वारे आऊटहाऊस विजेते कोलकात्याची रश्मी बनिक आणि रोडीज् स्पर्धक कृती वर्मा बिग बॉसच्या घरात दाखल झाली आहे.

हरयाणाचे दोन मित्र पोलिस कर्मचारी निर्मल सिंग आणि वकील रोमिल चौधरीही बिग बॉसमध्ये सहभागी झाले आहेत.

मराठमोळी ग्लॅमगर्ल नेहा पेंडसेही बिग बॉसच्या घरात दिसणार आहे. मराठी सिनेमा, मालिकांसोबतचं हिंदी मनोरंजन विश्वातही नेहा प्रसिद्ध आहे. त्याशिवाय तिने बॉलिवूड, तामिळ, तेलुगू, मल्ल्याळम सिनेमातही काम केलं आहे.

अभिनेता करणवीर बोहरा 'कसौटी जिंदगी की' मालिकेतील प्रेमच्या व्यक्तिरेखेमुळे सर्वप्रथम प्रसिद्धीस आला. सौभाग्यवती भव, कुबूल है आणि सध्या नागिन 2 मालिकांतील त्याच्या भूमिका गाजल्या आहेत.

अभिनेत्री दीपिका कक्कर इब्राहिमने 'ससुराल सिमर का' मालिकेत केलेली भूमिका प्रचंड गाजली होती. दीपिकाला सर्वाधिक मानधन मिळाल्याची चर्चा आहे. तिच्याकडे विजेतेपदाचा प्रबळ दावेदार म्हणून पाहिलं जातं.

'गँग्ज ऑफ वासेपूर' फेम गायक दीपक ठाकूर आणि त्याची चाहती उर्वशी वाणीही बिग बॉसमध्ये सहभागी झाले आहेत.

65 वर्षीय भजनसम्राट अनुप जलोटा यांनी 28 वर्षांची गर्लफ्रेण्ड जसलीन मथरुसोबत बिग बॉसच्या घरात गृहप्रवेश केला आहे.