पुण्यात अवतरला गवा, रेस्क्यू ऑपरेशन यशस्वी पण जीव वाचवण्यात अपयश

गव्याला पकडताना त्याला बेशुध्द करण्यात आलं आणि त्याचे चारही पाय बांधण्यात आले.

अतिउत्साही लोकांनी गव्याचा पाठलाग कर करून, मोठ्यानं ओरडून त्याला घाबरवून सोडलं. नंतर त्याला बेशुद्ध अवस्थेच नेण्यात आलं. मग झोपेतच त्या गव्यानं आपले प्राण सोडले.

या गव्याला पकडताना वन विभागाच्या अधिकाऱ्यांची मोठी धावपळ झाली. सुमारे तासभर वन अधिकारी या गव्याला पकडण्याचा प्रयत्न करत होते.

लोकांची गर्दी पाहून गवा बिथरला. त्याने बाजूला असलेल्या गाडीला जबरदस्त धडक दिली.

सुरुवातीला लोकांना ती गाय असावी असं वाटलं. पण तो गवा असल्याचे समजताच लोकांत एकच गोंधळ उडाला.

पुण्याच्या कोथरुडमध्ये महात्मा सोसायटीच्या परिसरात सकाळी गवा दिसून आला.