फक्त 'प्रिन्स' नाही तर 'राजा' आहे शुभमन गिल! सचिन अन् विराटला 'या' विक्रमात टाकले मागे; पहिल्या क्रमांकावर घेतली झेप

शुभमन गिलने आतापर्यंत भारतासाठी 55 वनडे सामने खेळले आहेत. गिलने त्याच्या पहिल्या 55 ​​सामन्यांमध्ये सर्वाधिक धावा करण्याच्या बाबतीत विराट कोहली आणि सचिन तेंडुलकर यांनाही मागे टाकले आहे.

Shubhman gill cricket sports news

विराट कोहली आणि सचिन तेंडुलकर , दोघेही एकदिवसीय क्रिकेटच्या इतिहासातील सर्वात यशस्वी फलंदाज राहिले आहेत.

सचिनने एकदिवसीय सामन्यात सर्वाधिक धावा केल्या आहेत. तर कोहलीने एकदिवसीय सामन्यात सर्वाधिक शतके ठोकली आहेत .

भारताचा युवा फलंदाज शुभमन गिल देखील आता त्याच मार्गावर चालत आहे.

गिलने त्याच्या पहिल्या 55 ​​एकदिवसीय सामन्यांमध्ये धावांच्या बाबतीत कोहली आणि सचिनला मागे टाकले आहे.

शुभमन गिल हा वनडे सामन्यांमध्ये भारतीय संघाचा उपकर्णधार आहे.

गिलने वनडे सामन्यांमध्ये 8 शतके ठोकली आहेत. गिलने अनेक वेळा भारतासाठी चांगली कामगिरी केली आहे.

कोहलीने 55 वनडे सामन्यांनंतर 42.9 च्या सरासरीने 2059 धावा केल्या होत्या. या काळात कोहलीने 5 शतके ठोकली होती. कोहली आज वनडे सामन्यांमध्ये सर्वाधिक शतके करणारा खेळाडू आहे.

तर, सचिनने त्याच्या पहिल्या 55 ​​वनडे सामन्यांनंतर, फक्त 31.76 च्या सरासरीने 1556 धावा केल्या होत्या. या काळात सचिनच्या बॅटमधून एकही शतक आले नव्हते. पण आज सचिन एकदिवसीय क्रिकेटच्या इतिहासात सर्वाधिक धावा करणारा फलंदाज आहे.

पहिल्या 55 ​​वनडे सामन्यांमध्ये सर्वाधिक धावा करण्याच्या बाबतीत गिलने केवळ सचिन आणि विराटलाच नाही तर दक्षिण आफ्रिकेचा फलंदाज हाशिम अमला याला पण मागे टाकले आहे.

अमलाने 55 सामन्यांमध्ये 55.37 च्या सरासरीने 2713 धावा केल्या होत्या. आता हा विक्रम गिलकडे आहे. गिलने 55 सामन्यांनंतर 2775 धावा केल्या आहेत.