सचिनची सारा आता देशाबाहेरही सुपरस्टार! 13 कोटी डॉलर्सच्या प्रकल्पाची बनली 'ब्रँड अ‍ॅम्बेसेडर'

SARA TENDULKAR : या मोहिमेचे नाव ‘कम अँड से जी-डे’ असून, यासाठी भारताचा महान क्रिकेटपटू सचिन तेंडुलकर यांची मुलगी सारा तेंडुलकर हिला भारतातील ब्रँड अ‍ॅम्बेसडर म्हणून नियुक्त करण्यात आले आहे.

SARA TENDULKAR

ऑस्ट्रेलिया सरकार लवकरच आंतरराष्ट्रीय पर्यटकांना आकर्षित करण्यासाठी एक विशेष पर्यटन मोहीम सुरू करणार आहे.

या मोहिमेचे नाव ‘कम अँड से जी-डे’ असून, यासाठी भारताचा महान क्रिकेटपटू सचिन तेंडुलकर यांची मुलगी सारा तेंडुलकर हिला भारतातील ब्रँड अ‍ॅम्बेसडर म्हणून नियुक्त करण्यात आले आहे.

ही मोहीम सुमारे 13 कोटी डॉलर्स खर्चाची आहे.

ऑस्ट्रेलियामध्ये सुट्ट्या घालवण्यासाठी आणि तेथील पर्यटन अनुभवण्यासाठी आंतरराष्ट्रीय प्रवाशांना प्रोत्साहित करणे हे तिचे प्रमुख उद्दिष्ट आहे.

या मोहिमेची सुरुवात 7 ऑगस्टपासून चीनमध्ये होणार आहे. त्यानंतर वर्षाअखेरीस ही मोहीम भारत, अमेरिका, ब्रिटन अशा प्रमुख देशांमध्येही सुरू करण्यात येणार आहे.

‘कम अँड से जी-डे’ ही मोहिमेची दुसरी आवृत्ती आहे. यापूर्वी ही मोहीम ऑक्टोबर 2022 मध्ये प्रथमच सुरू करण्यात आली होती.

येत्या दोन वर्षांपर्यंत ही मोहीम सुरू राहणार असून, ऑस्ट्रेलिया सरकारने 2022 पासून आतापर्यंत एकूण 25 कोटी डॉलर्स या अभियानासाठी गुंतवले आहेत.

भारतामध्ये जेव्हा ही मोहीम अधिकृतपणे सुरू केली जाईल, तेव्हा सारा तेंडुलकर हिचा चेहरा या मोहिमेचे प्रतिनिधित्व करणार आहे.

अमेरिकेमध्ये, प्रसिद्ध ऑस्ट्रेलियन वाइल्डलाइफ कन्झर्वेशनिस्ट स्टीव्ह इर्विन यांचा मुलगा रॉबर्ट इर्विन या अभियानाचा चेहरा असणार आहे.

ब्रिटनमध्ये, ख्यातनाम खाद्यलेखिका आणि टीव्ही शेफ निजेला लॉसन यांची निवड करण्यात आली आहे.

या मोहिमेंतर्गत, संबंधित देशांमध्ये पर्यटन वाढवण्यासाठी तिथल्या लोकप्रिय आणि विश्वासार्ह व्यक्तींना ब्रँड अ‍ॅम्बेसडर म्हणून सहभागी करून घेतले जात आहे.

चीनमध्ये, सुप्रसिद्ध अभिनेता योश हू, तर जपानमध्ये, प्रसिद्ध मीडिया व्यक्तिमत्व आणि विनोदी कलाकार अबेरेरु-कुन हे या मोहिमेचे प्रतिनिधी असतील.