Sai Sudharsan : जे रोहित-विराट-धोनी करू शकले नाहीत, ते 23 वर्षाच्या पोरांनी करून दाखवलं! IPL च्या इतिहासात असे करणारा ठरला पहिला भारतीय

गुजरात टायटन्सचा सलामीवीर साई सुदर्शनने इंडियन प्रीमियर लीगमध्ये इतिहास रचला आहे.

Sai Sudharsan IPL 2025

गुजरात टायटन्सचा सलामीवीर साई सुदर्शनने इंडियन प्रीमियर लीगमध्ये इतिहास रचला आहे.

बुधवारी राजस्थान रॉयल्सविरुद्धच्या सामन्यात त्याने एक मोठा विक्रम केला आहे.

सुदर्शन आता आयपीएलच्या इतिहासात एकाच मैदानावर सलग पाच अर्धशतके करणारा पहिला भारतीय क्रिकेटपटू बनला आहे. त्याच्या आधी फक्त एबी डिव्हिलियर्सनेच हे केले होते.

राजस्थान रॉयल्स विरुद्धच्या सामन्यात सुदर्शनने 32 चेंडूत अर्धशतक पूर्ण करून हा विक्रम केला.

साई सुदर्शनने आयपीएल 2025 च्या पाच सामन्यांमध्ये आतापर्यंत 273 धावा केल्या आहेत.

या हंगामात त्याच्या बॅटमधून 3 अर्धशतके आली आहेत आणि तिन्ही अर्धशतके अहमदाबादच्या नरेंद्र मोदी स्टेडियमवर आहेत.

त्याच वेळी, गेल्या हंगामात म्हणजेच आयपीएल 2024 मध्ये, सुदर्शन अहमदाबादमध्ये खेळल्या गेलेल्या शेवटच्या 2 डावांमध्ये अर्धशतक करण्यात यशस्वी झाला होता.

अशाप्रकारे, अहमदाबादच्या नरेंद्र मोदी स्टेडियमवर सलग पाच अर्धशतके करणारा सुदर्शन पहिला भारतीय फलंदाज ठरला आहे.

दक्षिण आफ्रिकेचा दिग्गज खेळाडू एबी डिव्हिलियर्सने 2018 आणि 2019 मध्ये ही कामगिरी केली.

त्याने बंगळुरूच्या एम चिन्नास्वामी स्टेडियमवर 2 हंगामात सलग 5 अर्धशतके झळकावून इतिहास रचला होता.