RCB IPL 2025: Ee Sala Cup Namdu...जिंकले, हसले, रडले; आरसीबीचं जंगी सेलिब्रेशन; भावूक करणारे PHOTO

RCB IPL 2025: आरसीबीचे प्रत्येकवेळी विजेतेपद जिंकण्याचे स्वप्न भंग होत राहिले. 2025 मध्ये, रजत पाटीदारच्या नेतृत्वाखाली संघाचे नशीब बदलले आणि त्यांनी पहिल्यांदाच ट्रॉफी जिंकली.

RCB IPL 2025

रजत पाटीदारच्या नेतृत्वात खेळणाऱ्या रॉयल चॅलेंजर्स बंगळुरुनं पंजाब किंग्सचा पराभव करुन पहिल्यांदाच आयपीएलचं विजेतेपद पटकावलं. (Photo Credit-IPL)

अहमदाबादच्या नरेंद्र मोदी स्टेडियमवर खेळवण्यात आलेल्या अंतिम सामन्यात बंगळुरुनं पंजाबचा 6 धावांनी पराभव केला. (Photo Credit-IPL)

बंगळुरुनं दिलेल्या 191 धावांच्या आव्हानाचा पाठलाग करताना पंजाबला 185 धावांचीच मजल मारता आली.(Photo Credit-IPL)

पंजाबविरुद्धच्या या विजयासह बंगळुरुचं आणि या संघाचा गेली 18 वर्ष भाग असणाऱ्या विराट कोहलीचं स्वप्न साकार झालं.

आयपीएलच्या 18 वर्षांच्या इतिहासात आरसीबी संघाचे मन तीनदा तुटले. 2009, 2011 आणि 2016 मध्ये, आरसीबी अंतिम फेरीत पोहोचला, परंतु प्रत्येक वेळी विजेतेपद जिंकण्याचे स्वप्न भंगत राहिले. 2025 मध्ये, रजत पाटीदारच्या नेतृत्वाखाली संघाचे नशीब बदलले आणि त्यांनी पहिल्यांदाच ट्रॉफी जिंकली.

आयपीएलचं जेतेपद जिंकल्यानंतर विराट कोहली खूप भावूक झालेला दिसला. यावेळी त्याच्यासोबत पत्नी अनुष्का शर्मा देखील होती.

विराट कोहलीसाठी हा क्षण अत्यंत भावनिक ठरला. आयपीएलमध्ये अनेक वैयक्तिक विक्रम गाठणाऱ्या या दिग्गज खेळाडूचं संघाला चॅम्पियन बनवण्याचं स्वप्न अखेर पूर्ण झालं. कोहलीच्या नेतृत्वाखाली खेळणाऱ्या RCB ने याआधी अनेकदा प्लेऑफ आणि फायनल गाठल्या होत्या, पण ट्रॉफी नेहमी हुलकावणी देत होती. यंदा मात्र रजत पाटीदारच्या नेतृत्वाखाली संघाने सर्व बॅटिंग-बोलिंग डिपार्टमेंटमध्ये समतोल कामगिरी करत अखेरच्या क्षणी बाजी मारली.

मैदानावर विजय साजरा करत असताना विराट मात्र मैदानावर गुडघे टेकून बसला आणि चेहरा खाली घालून अश्रूंना वाट मोकळी करून दिली. संपूर्ण कारकिर्दीत आयपीएल विजेतेपदाची प्रतीक्षा करणाऱ्या कोहलीसाठी हा क्षण अतिशय भावनिक होता.

हा विजय चाहत्यांसाठी आणि संघासाठी महत्त्वाचा होता, मी प्रत्येक हंगामात जिंकण्याचा प्रयत्न केला आणि शक्य तितके सर्व काही दिले. पण हा दिवस येईल असे कधीच वाटले नव्हते, आम्ही जिंकल्यानंतर भावनिक झालो, असं विराट कोहली म्हणाला.

मी आज रात्री लहान बाळासारखा झोपेन, अशी प्रतिक्रिया विराट कोहलीने दिली.

विराट कोहली हा जगातील एकमेव खेळाडू आहे जो आयपीएलच्या सुरुवातीपासून एकाच संघाशी जोडलेला आहे. 17 वर्षे त्याने रॉयल चॅलेंजर्स बंगळुरूला विजय मिळवून देण्यासाठी सर्वतोपरी प्रयत्न केले, परंतु दरवर्षी तो कधी जिंकला नाही. आयपीएल 2025 मध्ये रजत पाटीदारच्या नेतृत्वाखाली विराट कोहलीचे स्वप्न सत्यात उतरले आणि तो आयपीएल चॅम्पियन बनला.

आरसीबीकडून दिग्गज ख्रिस गेल आणि एबी डिव्हिलियर्स देखील खेळले. मात्र काही वर्षांपूवीचं त्यांनी निवृत्ती जाहीर केली. मात्र आरसीबीचा संघ अंतिम सामन्यात पोहताच दोघंही अहमदाबादमध्ये दाखल झाले होते. यावेळी विराट कोहलीने डिव्हिलियर्स आणि गेलला ट्रॉफी उंचावण्यास सांगितले.