Rajasthan Royals New Owner : आयपीएल सुरु असतानाच मोठी घडामोड, राजस्थान रॉयल्सच्या नव्या मालकाची घोषणा, लक्ष्मी मित्तल बनले नवे मालक, किती पैसे खर्च केले?

Rajasthan Royals New Owner : राजस्थान रॉयल्सच्या नव्या मालकांची घोषणा करण्यात आली आहे. आयपीएल सुरु असतानाच ही माहिती समोर आली आहे.

राजस्थानच्या नव्या मालकाचं नाव काय?

यूकेस्थित भारतीय वंशाचे स्टील क्षेत्रातील उद्योजक लक्ष्मी मित्तल यांनी राजस्थान रॉयल्सची खरेदी केली आहे. राजस्थान रॉयल्स ही आयपीएल मधील पहिल्या 8 संघांपैकी एक संघ आहे. राजस्थाननं पहिल्या आयपीएलमध्ये विजेतेपद मिळवलं होतं. सध्याच्या आयपीएलच्या हंगामात रियान परागच्या नेतृत्त्वात राजस्थान चौथ्या स्थानावर आहे.

लक्ष्मी मित्तल यांच्यासह राजस्थान रॉयल्सचे सहमालक सीरम इन्स्टिट्यूट इंडियाचे मालक अदर पुनावाला आणि मनोज बडाले असतील. राजस्थानच्या संघाची विक्री 15660 कोटी रुपयांना करण्यात आली आहे.

आयपीएलच्या हंगामाची सुरुवात होण्यापूर्वी अमेरिका स्थित उद्योजक कल सोमानी यांच्या संघानं राजस्थान रॉयल्स विकत घेतल्याची माहिती समोर आली होती. मात्र, आता नव्या माहितीनुसार लक्ष्मी मित्तल यांच्याकडे राजस्थान रॉयल्सची मालकी आली आहे.

मित्तल कुटुंबाकडे राजस्थान रॉयल्सचं नियंत्रण असेल, त्यांच्याकडे एकूण भागीदारी 75 टक्के असेल. अदर पूनावाला यांच्याकडे राजस्थान रॉयल्सची 18 टक्के भागीदारी आहे. उर्वरित 7 टक्के मालकी सध्याचे मालक मनोज बदाले यांच्याकडे राहील.

नव्या डीलनुसार लक्ष्मी मित्तल यांच्याकडे राजस्थान रॉयल्स या संघासह दक्षिण आफ्रिका आणि कॅऱेबियन पारी रॉयल्स आणि बार्बाडोस रॉयल्सची मालकी देखील आली आहे. या डीलला मंजुरी बीसीसीआय, सीसीआय आणि आयपीएल गव्हर्निंग काऊन्सिल यांच्या इतर नियामक संस्थांच्या परवानगीनंतर मिळेल.यासंदर्भातील प्रक्रिया 2026 च्या तिसऱ्या तिमाहीत पूर्ण होण्याची अपेक्षा आहे.

Continues below advertisement