LSG vs GT : लखनौला विजयामुळं लॉटरी, गुणतालिकेत मोठी झेप,दिल्लीला मॅच न खेळताच प्रमोशन, गुजरातला धक्का

IPL Point Table : लखनौ सुपर जायंटसन् गुजरात टायटन्सला 6 विकेटनं पराभूत केल्यानंतर गुणतालिकेत बदल झाले आहेत. गुजरातची पहिल्या क्रमांकावरुन घसरण झाली आहे.

लखनौच्या विजयानं दिल्लीला लॉटरी

लखनौ सुपर जायंटसनं गुजरात टायटन्सला 6 विकेटनं पराभूत करत गुणतालिकेत मोठी झेप घेतली. लखनौनं सहाव्या स्थानावरुन तिसऱ्या स्थानावर झेप घेतली. लखनौनं 6 पैकी चार सामने जिंकले आहेत.

लखनौच्या संघानं गुजरात टायटन्सनं विजयासाठी ठेवलेलं 180 धावांचं आव्हान सहजपणे पार केलं. निकोलस पूरन,एडन मारक्रम यांनी विजयाचा पाया रचला तर आयुष बदोनीनं लखनौच्या विजयावर शिक्कामोर्तब केलं.