Yashasvi Jaiswal FIFA World Cup 2026 : टीम इंडियातून बाहेर... पण मेस्सीच्या नावाची जर्सी घालून FIFAमध्ये पोहोचला यशस्वी! म्हणाला, बकेट लिस्टमध्ये....

यशस्वी जैस्वाल सध्या भारत-इंग्लंड टी-20 मालिकेचा भाग नसला, तरी तो अमेरिकेत सुरू असलेल्या FIFA वर्ल्ड कपचा थरार प्रत्यक्ष स्टेडियममध्ये अनुभवताना दिसला.

Yashasvi Jaiswal FIFA World Cup 2026

भारतीय क्रिकेट संघाचा युवा सलामीवीर यशस्वी जैस्वाल सध्या भारत-इंग्लंड टी-20 मालिकेचा भाग नसला, तरी तो अमेरिकेत सुरू असलेल्या FIFA वर्ल्ड कपचा थरार प्रत्यक्ष स्टेडियममध्ये अनुभवताना दिसला.

विशेष म्हणजे, यशस्वीने फ्रान्स विरुद्ध स्वीडन सामना पाहण्यासाठी स्टेडियममध्ये जाताना अर्जेंटिनाचा सुपरस्टार लिओनेल मेस्सीच्या नाव आणि क्रमांकाची जर्सी परिधान केली होती.

राउंड ऑफ 32 मधील फ्रान्स आणि स्वीडन यांच्यातील सामना पाहण्यासाठी यशस्वी न्यूयॉर्कमधील स्टेडियममध्ये पोहोचला होता.

मात्र, दोन्ही संघांपैकी कोणाच्याही जर्सीऐवजी त्याने अर्जेंटिनाची आणि त्यावर लिओनेल मेस्सीचे नाव व क्रमांक असलेली जर्सी घातली होती.

यावरून यशस्वी हा मेस्सीचा मोठा चाहता असल्याचे स्पष्ट झाले आहे.

Continues below advertisement

यशस्वीने आपल्या सोशल मीडिया अकाउंटवर स्टेडियममधील व्हिडिओ शेअर करत खास भावना व्यक्त केल्या. "हे माझ्या बकेट लिस्टमधील एक स्वप्न होते आणि आज ते पूर्ण झाले," असे त्याने कॅप्शनमध्ये लिहिले.

FIFA वर्ल्ड कपचा सामना प्रत्यक्ष स्टेडियममध्ये बसून पाहणे हे यशस्वीचे अनेक वर्षांचे स्वप्न होते आणि अखेर ते पूर्ण झाल्याचा आनंद त्याने चाहत्यांसोबत शेअर केला.

यशस्वीने पाहिलेल्या या सामन्यात फ्रान्सने स्वीडनवर 3-0 असा दणदणीत विजय मिळवत राउंड ऑफ 16 मध्ये धडक मारली. संपूर्ण सामन्यात फ्रान्सने वर्चस्व राखत स्वीडनला कोणतीही संधी दिली नाही.