Team India ODI Schedule 2026 : क्रिकेट चाहत्यांसाठी मोठी बातमी! 2026 मध्ये रोहित शर्मा-विराट कोहली फक्त इतके ODI सामने खेळणार?, जाणून घ्या पूर्ण वेळापत्रक

विराट कोहली आणि रोहित शर्मा यांनी 2025 मध्ये पुन्हा एकदा आपली गुणवत्ता सिद्ध केली. दक्षिण आफ्रिकेविरुद्धच्या वनडे मालिकेत भारताला 2-1 असा शानदार विजय मिळवून देण्यात या दोघांचा मोलाचा वाटा होता.

Team India ODI Schedule 2026

विराट कोहली आणि रोहित शर्मा यांनी 2025 मध्ये पुन्हा एकदा आपली गुणवत्ता सिद्ध केली. कसोटी मालिकेनंतर दक्षिण आफ्रिकेविरुद्धच्या वनडे मालिकेत भारताला 2-1 असा शानदार विजय मिळवून देण्यात या दोघांचा मोलाचा वाटा होता.

2027 वर्ल्डकपमधील त्यांच्या भवितव्यावर प्रश्नचिन्ह उपस्थित होत असतानाही, भारताच्या वनडे यशासाठी कोहली-रोहित अजूनही अत्यंत महत्त्वाचे आहेत, हे त्यांनी पुन्हा दाखवून दिले.

2025 नंतरही हे दोन्ही माजी कर्णधार 2026 मध्ये मैदानावर झळकणार असून, आपला जबरदस्त फॉर्म कायम ठेवण्याचा त्यांचा निर्धार आहे.

दक्षिण आफ्रिकेविरुद्धच्या तीन सामन्यांच्या वनडे मालिकेत विराट कोहलीने दोन शतके आणि एक अर्धशतक झळकावत तब्बल 302 धावा केल्या.

तर रोहित शर्माने दोन अर्धशतकांच्या जोरावर 146 धावांचे योगदान दिले. हा सामना 2025 मधील भारतासाठी त्यांचा शेवटचा सामना ठरला.

Continues below advertisement

आता 2026 मध्येही ‘रोको’ म्हणजेच रोहित-कोहली आपल्या फलंदाजीने क्रिकेटविश्वात खळबळ उडवण्यासाठी सज्ज झाले आहेत.

चाहत्यांसाठी खास बाब म्हणजे, या वर्षी हे दोन्ही दिग्गज एकूण 18 वनडे सामने खेळताना दिसणार आहेत.

यासोबतच आयपीएल 2026 मध्येही ते आपापल्या संघांसाठी मैदानात उतरणार आहेत.

जानेवारी महिन्यात भारतात न्यूझीलंडविरुद्ध तीन सामन्यांची वनडे मालिका खेळवली जाणार असून, यात कोहली-रोहित चाहत्यांना आपला जलवा दाखवताना दिसतील.

आयपीएल 2026 चे आयोजन 26 मार्च ते 31 मे दरम्यान होणार आहे. या स्पर्धेत विराट कोहली रॉयल चॅलेंजर्स बेंगळुरूकडून, तर रोहित शर्मा मुंबई इंडियन्सकडून खेळताना दिसेल.

जून महिन्यात अफगाणिस्तान भारत दौऱ्यावर येणार असून, दोन्ही संघांमध्ये तीन वनडे सामन्यांची मालिका खेळवली जाईल.

भारत इंग्लंड दौऱ्यावर जाणार असून, त्यात तीन वनडे सामने खेळवले जातील.

वेस्ट इंडीज संघ भारत दौऱ्यावर येणार आहे. तीन वनडे सामन्यांची मालिका खेळवली जाणार असून, स्थळ आणि तारखा अद्याप जाहीर झालेल्या नाहीत.

भारत न्यूझीलंडमध्ये सर्व फॉरमॅटचे सामने खेळणार असून, त्यात तीन वनडे सामन्यांचाही समावेश आहे. या मालिकेचे स्थळ अद्याप जाहीर व्हायचे आहे.

2026 मधील भारताची शेवटची मालिका घरच्या मैदानावर श्रीलंकेविरुद्ध होणार आहे.

या वनडे मालिकेत कोहली आणि रोहित वर्षाअखेरीस शेवटच्या वेळी मैदानावर झळकताना दिसतील.