Virat Kohli IPL 2026 : विराट कोहली संपला...; RCBच्या धमाकेदार विजयानंतर मोहम्मद कैफची पोस्ट व्हायरल, नेमकं काय लिहिलं?

आयपीएल 19व्या हंगामाचा थरार सुरू झाला असून, गतविजेत्या आरसीबी संघाने पहिल्याच सामन्यात हैदराबादला पराभवाची धूळ चारली.

Mohammad Kaif on Virat Kohli

आयपीएल 19व्या हंगामाचा थरार सुरू झाला असून, गतविजेत्या आरसीबी संघाने पहिल्याच सामन्यात हैदराबादला पराभवाची धूळ चारली.

या सामन्यात RCB साठी विराट कोहली याने शानदार फलंदाजी करत 38 चेंडूत 181.58 च्या स्ट्राइक रेटने नाबाद 69 धावा केल्या.

या दमदार खेळीमुळे त्याच्या फॉर्मची ताकद पुन्हा एकदा स्पष्ट झाली.

विराटच्या या खेळीनंतर सोशल मीडियावर मोहम्मद कैफ यांची पोस्ट प्रचंड व्हायरल झाली.

त्याने आपल्या पोस्टमध्ये लिहिले, “ऑस्ट्रेलियात दोनदा शून्यावर बाद झाल्यानंतर लोक विराट कोहली संपला असे म्हणत होते. पण व्हाईट बॉल क्रिकेटमधील त्याच्या शेवटच्या 10 डावांतील धावा पाहा – 74, 135, 102, 65, 131, 77, 93, 23, 124 आणि या सामन्यातील 69 नाबाद.” या वक्तव्यातून कैफ यांनी विराटवर टीका करणाऱ्यांना जोरदार उत्तर दिले.

विराट हा आयपीएल इतिहासातील सर्वाधिक धावा करणारा फलंदाज असून, त्याच्याशिवाय अद्याप कोणताही खेळाडू 8 हजार धावांचा टप्पा पार करू शकलेला नाही.

त्याची सध्याची फॉर्म पाहता, तो सर्वात आधी 9 हजार धावांचा टप्पा गाठणारा खेळाडू ठरू शकतो, अशी चिन्हे दिसत आहेत.

सनरायझर्स हैदराबादविरुद्धच्या या सामन्यात विराटने जबरदस्त फटकेबाजी करत 5 चौकार आणि 5 षटकार ठोकले.

RCB चा पुढील सामना आता 5 एप्रिल रोजी चेन्नई सुपर किंग्स (CSK) विरुद्ध होणार आहे.