Vaibhav Suryavanshi News : 15 षटकार, 16 चौकार, 84 चेंडूत 190 धावा... वैभव सूर्यवंशीने आतापर्यंतचे सगळेच रेकॉर्ड मोडले, क्रिकेट विश्वात खळबळ

Vaibhav Suryavanshi Vijay Hazare Trophy 2025-26 : विजय हजारे ट्रॉफीमध्ये बिहारकडून खेळताना अवघ्या 14 व्या वर्षी वैभव सूर्यवंशीने अरुणाचल प्रदेशविरुद्ध 190 धावांची ऐतिहासिक खेळी साकारली.

Vaibhav Suryavanshi News

19 वर्षांखालील आशिया कपच्या अंतिम सामन्यात पाकिस्तानकडून भारताला 191 धावांनी मोठा पराभव सहन करावा लागला होता.

या सामन्यात वैभव सूर्यवंशी अपयशी ठरल्याने त्याच्यावर टीका झाली होती.

मात्र, या अपयशाला झटक्यात मागे टाकत वैभव सूर्यवंशीने पुन्हा एकदा क्रिकेट विश्वाला हादरवून सोडले आहे.

विजय हजारे ट्रॉफीमध्ये बिहारकडून खेळताना अवघ्या 14 व्या वर्षी वैभव सूर्यवंशीने अरुणाचल प्रदेशविरुद्ध 190 धावांची ऐतिहासिक खेळी साकारली.

हा त्याचा लिस्ट ए क्रिकेटमधील पहिलाच सामना होता आणि पहिल्याच सामन्यात त्याने अनेक विक्रम मोडून काढले. या खेळी दरम्यान, त्याने 15 षटकार, 16 चौकार मारले.

वैभवने केवळ 36 चेंडूंमध्ये आपले शतक पूर्ण केले. हे भारतीय खेळाडूचे लिस्ट ए क्रिकेटमधील दुसरे सर्वात जलद शतक ठरले आहे. याआधी अनमोलप्रीत सिंगने विजय हजारे ट्रॉफी 2024-25 मध्ये अरुणाचल प्रदेशविरुद्ध पंजाबकडून खेळताना अवघ्या 35 चेंडूंमध्ये शतक झळकावले होते.

या झंझावाती खेळीमुळे वैभव सूर्यवंशीने युसूफ पठाणचा विक्रमही मोडला. पठाणने 2010 मध्ये 40 चेंडूमध्ये शतक झळकावले होते, तर वैभवने त्याहीपेक्षा जलद शतक पूर्ण करून इतिहास रचला.

सर्वात मोठी बाब म्हणजे, लिस्ट ए क्रिकेटमध्ये शतक ठोकणारा वैभव सूर्यवंशी हा जगातील सर्वात तरुण खेळाडू ठरला आहे. अवघ्या 14 वर्षे आणि 272 दिवसांच्या वयात त्याने हा पराक्रम साध्य केला.

याआधी अफगाणिस्तानच्या रियाझ हसनने 16 वर्षे आणि 9 दिवसांच्या वयात लिस्ट ए क्रिकेटमध्ये शतक झळकावले होते.