Tilak Varma Century : तिलक वर्माचं वादळ, समोर दिसेल त्याला झोडलं! ठोकले पहिलेवहिले शतक, मुंबई इंडियन्सचे सगळे रेकॉर्ड मोडले

Tilak Varma Fastest IPL Century For Mumbai Indians : गुजरात टायटन्स विरुद्ध खेळताना तिलकने आपल्या आयपीएल कारकिर्दीतील पहिलेवहिले शतक झळकावत इतिहास रचला.

Tilak Varma Fastest IPL Century For Mumbai Indians

आयपीएल 2026 च्या 30 व्या सामन्यात मुंबई इंडियन्सचा युवा फलंदाज तिलक वर्माने कहर केला.

गुजरात टायटन्स विरुद्ध खेळताना तिलकने आपल्या आयपीएल कारकिर्दीतील पहिलेवहिले शतक झळकावत इतिहास रचला.

त्याच्या या तुफानी खेळीच्या जोरावर मुंबई इंडियन्सने निर्धारित 20 षटकांत 5 बाद 199 धावांचा डोंगर उभा केला आहे.

तिलक वर्माने केवळ 15 चेंडूंमध्ये नाबाद 101 धावांची खेळी केली.

यासोबत त्याने मुंबई इंडियन्ससाठी सर्वात वेगवान शतक झळकावण्याच्या सनथ जयसूर्या यांच्या विक्रमाची बरोबरी केली आहे.

Continues below advertisement

2008 मध्ये जयसूर्या यांनी 45 चेंडूंत शतक पूर्ण केले होते, त्यानंतर तब्बल १८ वर्षांनी एका भारतीय युवा खेळाडूने या पराक्रमाची पुनरावृत्ती केली आहे.

नाणेफेक हारल्यानंतर प्रथम फलंदाजीला उतरलेल्या मुंबईची सुरुवात अतिशय निराशाजनक झाली.

मात्र, मैदानात आलेल्या तिलक वर्माने सामन्याचे चित्र पूर्णपणे पालटून टाकले. त्याने सुरुवातीला संयमी फलंदाजी केली आणि सेट झाल्यावर गुजरातच्या गोलंदाजांचा समाचार घ्यायला सुरुवात केली.

तिलकने आपल्या 101 धावांच्या खेळीत 8 चौकार आणि 7 गगनचुंबी षटकार ठोकले.