टीम इंडिया अहमदाबादमध्ये, इकडे मुंबईच्या शिवाजी पार्कवर रोहितची फटकेबाजी, चाहत्यांची गर्दी

एकीकडे टीम इंडिया अहमदाबादमध्ये पोहोचली असून उद्या म्हणजेच 8 मार्च रोजी होणाऱ्या अंतिम सामन्याच्या तयारीत आहे.

Rohit sharma Practice on shivaji park mumbai

एकीकडे टीम इंडिया अहमदाबादमध्ये पोहोचली असून उद्या म्हणजेच 8 मार्च रोजी होणाऱ्या अंतिम सामन्याच्या तयारीत आहे.

टीम इंडियासह दिग्गज खेळाडू, सेलिब्रिटी आणि चाहतेही गुजरातमधील नरेंद्र मोदी स्टेडियममध्ये होणाऱ्या सामन्यासाठी अहमदाबादमध्ये पोहोचले आहेत.

टी20 विश्वचषकातील अंतिम सामना भारत विरुद्ध न्यूझीलंड यांच्यात होत असून भारतासह अवघ्या जगातील क्रिकेट प्रेमींचे लक्ष तिकडे लागले आहे. मात्र,रोहित शर्मा आज मुंबईत दिसून आला.

रोहित शर्माने आज मुंबईतील शिवाजी पार्क मैदानावर क्रिकेटचा सराव केला, त्याने येथे फटकेबाजी केली.

पायात पॅड, हाती ग्लोज घालून आपल्या बॅटीने मैदानावर तुफान फटकेबाजी केली. यावेळी, लाडक्या रोहितला पाहण्यासाठी मुंबईकरांनी गर्दी केली होती.

रोहितची शिवाजी पार्कच्या मैदानातील फलंदाजी पाहण्यासाठी नेटबाहेर क्रिकेट चाहत्यांनी गर्दी केली.

रोहित शर्मासोबत फोटो काढण्याचा मोह देखील यावेळी चाहत्यांना आवरता आला नाही, तर ज्यांना फोटो काढता आला नाही, त्यांनी आपल्या मोबाईलमध्ये रोहितच्या फलंदाजीचे क्षण कैद केले.