Suryakumar Yadav : टी 20 वर्ल्ड कप विजयानंतर रोहित शर्मासोबत जे घडलं, तेच सूर्यकुमार यादव सोबत झालं, BCCI च्या निर्णयानं सगळे चक्रावले...

Suryakumar Yadav : टीम इंडियाच्या आगामी टी 20 मालिकासांठी भारतीय संघ बीसीसीआयनं जाहीर केला. बीसीसीआयनं इंग्लंड आणि आयरलँड विरोधातील मालिकेसाठी सूर्यकुमार यादवला संघातून वगळलं आहे.

सूर्यकुमार यादव, रोहित शर्मा

बीसीसीआयनं इंग्लंड आणि आयरलँड विरोधातील टी 20 मालिकेसाठी भारतीय संघाची घोषणा केली. विशेष बाब म्हणजेच भारतानं टी 20 वर्ल्ड कप ज्या सूर्यकुमार यादवच्या नेतृत्त्वात जिंकला. त्या सूर्यकुमार यादवलाच संघातून वगळण्यात आलं, त्याच्याकडील कर्णधारपद देखील काढून घेण्यात आलं आहे.

सूर्यकुमार यादव गेल्या वर्षभरापासून चागंली फलंदाजी करु शकलेला नाही. याशिवाय नुकत्याच संपलेल्या आयपीएलमध्ये देखील सूर्याची कामगिरी सुधारली नव्हती. या सर्वाचा विचार करुन बीसीसीआयनं संघासाठी नवा कर्णधार निवडला. हा निर्णय घेतला सूर्यकुमार यादवला टी 20 देखील स्थान दिलं नाही.

या सर्व घडामोडींमुळं भारताला टी 20 वर्ल्ड कप जिंकवून दिल्यानंतर लगेचच सूर्यकुमार यादवकडील कर्णधार पद गेलंय. आता सूर्यकुमार यादवची पुन्हा संघात निवड होण्याची शक्यता कमी दिसते. सूर्यकुमार यादवला टी 20 वर्ल्ड कप मिळवून दिल्यानंतर एकाही सामन्यात संघाचं नेतृत्त्व करता येणार नसल्याचं चित्र निर्माण झालं आहे.

भारतानं 2024 मध्ये रोहित शर्माच्या नेतृत्त्वात टी 20 वर्ल्ड कप जिकंला होता. त्यावेळी रोहित शर्मानं टी 20 वर्ल्ड कप जिंकल्यानंतर निवृत्ती जाहीर केली होती. त्यामुळं तो देखील वर्ल्ड कप विजयानंतर भारतासाठी टी 20 मध्ये कर्णधार पदावर राहिला नाही. किंवा त्याला पुढील सामन्यात नेतृत्त्व करता आलं नाही. सूर्यकुमार यादवला खराब फॉर्ममुळं वगळण्यात आलं असलं तरी दोघांमध्ये हीच बाब कॉमन आहे.

इंग्लंड दौऱ्यासाठी भारताचा टी 20 संघ :श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा (उपकर्णधार), नितीश रेड्डी, अक्षर पटेल, वॉशिंग्टन सुंदर, वरुण चक्रवर्ती, मोहम्मद सिराज, अर्शदीप सिंग, प्रिन्स यादव, वैभव सूर्यवंशी.