Ruturaj Gaikwad News : ODI टीममधून डच्चू, अवघ्या 5 दिवसांत ऋतुराजचा ‘बॅटने सूड’! रचला नवा इतिहास, कोहली-मायकेल बेवनलाही टाकले मागे, निवडकर्त्यांना दिला थेट इशारा

न्यूझीलंडविरुद्धच्या वनडे मालिकेसाठी भारतीय संघात स्थान न मिळाल्याच्या अवघ्या पाच दिवसांतच ऋतुराज गायकवाडने आपल्या फटक्यांनी जोरदार उत्तर दिलं.

Ruturaj Gaikwad Vijay Hazare Trophy News

न्यूझीलंडविरुद्धच्या वनडे मालिकेसाठी भारतीय संघात स्थान न मिळाल्याच्या अवघ्या पाच दिवसांतच ऋतुराज गायकवाडने आपल्या फटक्यांनी जोरदार उत्तर दिलं.

विजय हजारे ट्रॉफीत महाराष्ट्राचं नेतृत्व करताना त्याने गोव्याविरुद्ध 131 चेंडूमध्ये अफलातून 134 धावांची खेळी खेळली.

त्याने आपले 20वे लिस्ट-ए शतक झळकावत विजय हजारे ट्रॉफीतील सर्वाधिक शतकांच्या विक्रमाशी बरोबरी केली.

या विक्रमात त्याने ऑस्ट्रेलियाचा दिग्गज मायकेल बेवन आणि भारताचा स्टार विराट कोहली यांनाही मागे टाकले आहे.

आधीच नॉकआऊट शर्यतीतून बाहेर पडलेल्या महाराष्ट्राची सुरुवात अत्यंत खराब झाली होती. अशा कठीण क्षणी पाचव्या क्रमांकावर फलंदाजीला आलेल्या ऋतुराज गायकवाडने एकहाती लढा दिला आणि संघाचा डाव सावरला.

केवळ 59 डावांत विजय हजारे ट्रॉफीत सर्वाधिक शतकांचा विक्रम गायकवाडने गाठला.

लिस्ट-ए क्रिकेटमध्ये गायकवाडने फक्त 95 डावांत 20 शतके पूर्ण करत सर्वात कमी डावांत हा टप्पा गाठणारा फलंदाज होण्याचा मान मिळवला.

या खेळीतच त्याने विक्रमी वेगाने 5000 लिस्ट-ए धावाही पूर्ण केल्या.