PBKS vs SRH IPL 2026 : 'गुरू' युवराज सिंगच्या तालमीतील दोन पठ्ठ्यांनी मैदान गाजवलं, एकमेकांच्या संघांना फोडलं, षटकार अन् चौकारांचा पाऊस

PBKS vs SRH IPL 2026 : आयपीएल 2026 मध्ये आज क्रिकेट चाहत्यांना खऱ्या अर्थाने षटकारांची मेजवानी पाहायला मिळाली.

PBKS VS SRH Priyansh Arya Abhishek Sharma

आयपीएल 2026 मध्ये आज क्रिकेट चाहत्यांना खऱ्या अर्थाने षटकारांची मेजवानी पाहायला मिळाली.

भारतीय क्रिकेटचा सिक्सर किंग युवराज सिंगच्या दोन लाडक्या शिष्यांनी एकमेकांविरुद्ध मैदानात धावांचा पाऊस पाडला.

अभिषेक शर्मा आणि प्रियांश आर्या या दोन्ही युवा फलंदाजांनी आपल्या स्फोटक खेळीने प्रेक्षकांचे डोळे दिपवून टाकले.

या अटीतटीच्या सामन्यात पंजाब किंग्सने सनरायझर्स हैदराबादवर 6 गडी राखून दणदणीत विजय मिळवला.

सलामीवीर अभिषेक शर्माने पुन्हा एकदा आपल्या बॅटची ताकद दाखवून दिली.

Continues below advertisement

अभिषेक शर्माने अवघ्या 28 चेंडूत 74 धावा केल्या. त्याच्या या खेळीत 5 चौकार आणि तब्बल 8 गगनचुंबी षटकारांचा समावेश होता.

220 धावांचे विशाल लक्ष्य समोर असताना पंजाब किंग्सला एका धडाकेबाज सुरुवातीची गरज होती. ती कसर प्रियांश आर्याने भरून काढली.

प्रियांशने हैदराबादच्या गोलंदाजांची अक्षरशः पिसं काढली. त्याने केवळ 20 चेंडूत 57 धावा कुटल्या. यात त्याने 5 चौकार आणि 5 षटकार खेचले. प्रियांशच्या या आक्रमक खेळीने विजयाचा पाया रचला आणि पंजाबने 7 चेंडू राखून हा सामना खिशात घातला.

युवराज सिंगने या दोन्ही खेळाडूंना मार्गदर्शन केले आहे. आज जेव्हा हे दोघे समोरासमोर आले, तेव्हा दोघांनीही आपल्या गुरूची मान अभिमानाने उंचावली. एकाने धावांचा डोंगर रचला, तर दुसऱ्याने तो लीलया सर केला.