PAK vs NZ Champions Trophy : 2 शतकं अन् धावांचा पाऊस, चॅम्पियन्स ट्रॉफीच्या पहिल्याच सामन्यात न्यूझीलंडने पाकिस्तानला धू धू धुतले!

Pakistan vs New Zealand ICC Champions Trophy 2025 : नाणेफेक गमावून प्रथम फलंदाजी केल्यानंतर न्यूझीलंडने 320 धावा केल्या.

Pakistan vs New Zealand ICC Champions Trophy 2025

पाकिस्तान आणि न्यूझीलंड यांच्यातील चॅम्पियन्स ट्रॉफीचा पहिला सामना कराचीमध्ये खेळला जात आहे.

नाणेफेक गमावून प्रथम फलंदाजी केल्यानंतर न्यूझीलंडने 320 धावा केल्या.

सलामीवीर विल यंग (117) आणि टॉम लॅथम (118) यांनी शतके झळकावली.

सलामीवीर डेव्हॉन कॉनवे (10) बाद झाल्यानंतर, पुढच्याच षटकात केन विल्यमसन 1 धाव करून बाद झाला.

पण, दुसऱ्या टोकाला सलामीवीर विल यंगने एक तुफानी शतक झळकावले.

विल यंगने 113 चेंडूत 107 धावांची खेळी केली, ज्यामध्ये 1 षटकार आणि 12 चौकार मारले.

टॉम लॅथमच्या शतकामुळे न्यूझीलंडने 300 धावांचा टप्पा ओलांडला, ग्लेन फिलिप्सने शेवटच्या षटकांमध्ये धमाकेदार खेळी केली.

टॉम लॅथमने 95 चेंडूत आपले शतक पूर्ण केले. त्याने 104 चेंडूत नाबाद 118 धावा केल्या. यादरम्यान 3 षटकार आणि 10 चौकार मारले.

स्फोटक फलंदाज ग्लेन फिलिप्सने शेवटच्या षटकांमध्ये टॉम लॅथमला चांगली साथ दिली. फिलिप्सने 39 चेंडूत 4 षटकार आणि 3 चौकारांच्या मदतीने 61 धावा केल्या.

पाकिस्तान क्रिकेट संघ सर्वात मोठा गोलंदाज शाहीन शाह आफ्रिदी पहिल्या सामन्यात आपल्या विकेटचे खाते उघडू शकला नाही. त्याने 10 षटकांत 6.80 च्या इकॉनॉमीने 68 धावा दिल्या. नसीम शाहने 10 षटकांत 63 धावा देत 2 बळी घेतले.

हरिस रौफने त्याच्या 10 षटकांच्या स्पेलमध्ये 2 विकेट घेतल्या, पण तो महागडा ठरला. कारण त्याने 8.30 च्या इकॉनॉमीने 83 धावा दिल्या. अबरार अहमद सर्वात किफायतशीर गोलंदाज होता, त्याने 10 षटकांत 47 धावा देत 1 विकेट घेतली.